Jenesis 46:17 - Buka Blahi Ka Cheke Holo

¹⁷ Keha na mae Asa baludi thugnare, nanghadire mae Imna nei mae Isva nei mae Isvi nei mae Beria. Eghuteuna gregadi mare na neke Sera. Eghuteuna thugna nalhaꞌu mae Beria re neke mae Heba ghe mae Malkiel.

Jenesis 46:17 ပူးပေါင်းရင်းမြစ်များ

Jenesis 49:20

“Iagho mae Asa ia, gano re ginauna vuragha fara ka vido aheva nate au soru iagho na. Iagho ginauna na gahu kmana nafnata gano te magnahaghedi fara mae funei re.

Jenesis 30:13

Lea ne cheke eghu, “Gognaro gne iara glealeꞌa fara! Eghuteuna goro gaꞌase gre ginauna na kilo ghau iara gaꞌase glealeꞌa.” Aonu naꞌa ne kiloni thugna na Asa. Nangha Asa teu igne gaoghathogna “Gleale'a” eghu.

Ululahu Kronikols 2:2

mae Dan, mae Josep, mae Benjamin, mae Naftali, mae Gad nei mae Asa.

Diutronomi 33:24

Vikegna mae Asa, Lord ginauna fablahi ghami ghotilo salaꞌudi keha vike are. Mana ginauna magnahaghei ghami ghotilo salaꞌudi keha vike are. Eghuteuna nomi namono ghotilore ginauna fodu salaꞌui ka oliv.

Naba 1:13

Eghuteuna ka vikegna mae Asa, nodi lida mare na mae Pagiel, thugna mae Okran.

Jenesis 35:26

Phei mae teke karha ka Silpa, nogna gaꞌase gloku Lea re neke mae Gad ghe mae Asa. Mae igre neke karha ka mae Jekop kani au neku mana ka namono Mesopotemia.

Jenesis 46:18

Igre sua teke karha ka mae Jekop ghe Silpa baludi gradire. Silpa gne neke nogna gaꞌase gloku mae Laban neke tusu lao ka Lea thugna gaꞌase na. Thugna nei gragna teu Silpa re neke nabotho namnoi khaputudire.