Jenesis 46:1 - Buka Blahi Ka Cheke Holo

¹ Aonu mae Jekop tarabana nogna gobigna lepore mala tei ka kantri Ijep. Kate theome tei kokoni na teu mare kantri Israel na, mare mei ne posa ka namono Bereseba. Mae Jekop ne fafara ka nogna God mae kmagna Isak na jare.

Jenesis 46:1 ပူးပေါင်းရင်းမြစ်များ

Jenesis 31:42

Jame theome au balugu iara God mae ihei teke tufru soruni mae kuꞌe Ebraham ghe mae mama Isak tifa ra meuna, iagho jame neke fiti kuru fajifla ghau iara kolho. Nu God neke filo lasedi nogu gloku biꞌo nakmusa eghu teke edi iara ranghi nigho iagho ra neke cheke faheta ka iagho bongi ia.”

Jenesis 28:13

Eghuteuna mae Jekop ne filoni Lord na kegra neu rhegna mana ne cheke eghu, “Iara Lord, nogna God mae kuꞌemu iagho Ebraham nei nogna God kmamu iagho Isak. Glose te thuru teu iagho igne iara ginauna tusu ari ka iagho nei ka vikemu iagho igre eghu.

Jenesis 28:10

Mae Jekop jifla ka namono Bereseba ne tei Haran.

Jenesis 21:33

Mae Ebraham ne joꞌu kaisei gaju tamarik jare Bereseba. Jare mae Ebraham ne tarai ka Lord, mae ihei te karha fabrahu te tifa te tifa.

Jenesis 21:31

Aonu mare ne kiloni namono igne Bereseba. Bereseba teu igne, gaoghathogna na, “Khoꞌu seu aheva teke nhaꞌa cheke mare na eghu.” Naugna mae Ebraham neke nhaꞌa cheke ka mae Abimelek jare.

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.

Thoutonu Eigna Mae Job 42:8

Eghume ghotilo na hata tei fitu buluka nalhaꞌudi nei fitu sipu nalhaꞌudi, eghu tei ka mae Job. Eghuteuna ghotilo falelehe glepo igre mala fafara te thofno krono fara. Eghuteuna mae Job nogu mae gloku iara igne ginauna tarai mei ka iara eimi ghotilo. Eghuteuna iara ginauna nomhidi nogna tharai mana re. Neuba ghotilo ne jafrahi, nu iara ginauna na theome para ghami ghotilo. Ghotilo theome cheke fadoglo eigu iara jateula mae Job eghu.”

Thoutonu Eigna Mae Job 1:5

Hamerane boibongi ke leghudi gaghamu igre, mae Job ne gahu fafara mala klino ka tathagna God na maladi mae thugna re. Leuleghu fata na, mana eni koba igne naugna te ghathoni mana na, na glahu kaisei ka mare tapla jafra ka nakhibo ranghini God ba cheke faparini mana ka nagnafadi re.

Ululahu Samuel 3:20

Mare te gnafa ka tharaknagna Israel, te funu ka namono Dan ke maghati te tei posa ka namono Bereseba ke mata na, mare tangomana te mala jateula kaisei nogna profet tutuani teu Lord na.

Jenesis 35:7

Jare mae Jekop ne eni kaisei olta, ne kiloni vido igne El Betel. Gaoghathogna na “God gna Betel.” Naugna God neke thakle ka mana jare kani teke rikhani mana mae tighagna Iso tifa ia.

Jenesis 35:3

Tahati ginauna jifla kokoni namono igne mala ke pulo Betel. Iara ginauna na eni kaisei olta ka God. God mae ihei teke fakarhi ghau iara ka vido te ninhigrana nei au balugu ka vido aheva te tei iara na.”

Jenesis 33:20

Mae Jekop ne fakekegra kaisei olta ka vido igne ne kiloni olta igne “El Elohe Israel,” gaoghathogna na “God gna Israel.”

Jenesis 31:53

Mae Laban ne chekedi nanghagna nodi God mae kuꞌegna tifa ra ne cheke eghu, “Nogna God mae Ebraham nei nogna god mae Naho, mana nate chekeni mae ihei gne na te huhughuni u nhaꞌa cheke igne ka tapa na.” Aonu mae Jekop ne eni kaisei nhaꞌa cheke ka nanghagna God, God mae ihei kmagna mana mae Isak teke tufru soruni tifa na.

Jenesis 22:13

Aonu mae Ebraham ne filo tafri ne filoni kaisei sipu nalhaꞌu gna te khale teu hona gnana ka gaju ikoi na. Aonu mae Ebraham tei ne hata sipu igne ne falelehe ne gahu ne fafara tongana ka God. Eghume u sipu igne ne lehe tughuni mae Isak.

Jenesis 12:8

Aonu mae Ebram ne jifla Sekem ne tei ka kaisei thogele ke maghati rhegna namono Betel. Eghuteuna mana ne hohoro haghe nogna suga tapuale na fari hotei Betel nei namono Ai. Betel gne au ke mosu, eghuteuna Ai gne au ke maghati. Eghuteuna jare mae Ebram ne hohoro keha olta na malagna Lord ne pogho soru ranghini mana.

Jenesis 8:20

Aonu mae Noa ne hohoro kaisei olta mala tarai ka Lord. Eghuteuna mana ne atha keha nafnata glepo te tautagu nei keha nafnata nanghaji teu te naba mala ghamu re, aonu mana ne falelehe ne gahu ne fafara ke ulugna Lord.

Jenesis 4:4

Mae Abel jaola ne hata ne mei keha famane sipu te karha majaghani. Mae Abel falelehe sipu igre ne fafara vido nafnahi te keli fara ka Lord. Lord ne ghatho tahuni nogna fafara mae Abel na.

Mae Khuru 7:15

Eghuteuna mae Jekop na soru ne au jare Ijep. Kate lehe mana jare baludi mae thugnare,

Jenesis 45:28

Aonu mae Jekop ne cheke eghu ka mae thugnare, “Tutuani fara, gognaro na iara kela fatutuani ghami ghotilo. Mae thugu iara Josep na mana karhau ngala gognaro na. Iara ginauna na tei mala filoni ngala mana ka tathagu na ame lehe nga iara eghu!”

Profet Emos 7:9

“Iara ginauna goigoni vido te mala tarai naiknodi Israel. Eghuteuna iara ginauna aknu falehe gnafa naikno te karha mei ka vikegna King Jeroboam.”

Josua 24:4

eghuteuna ke leghu na, Isak ne fakarhidi Jekop ghe Iso. Iara neke snakre lao ka Iso thogele Idom. Nu kuꞌemi ghotilo Jekop baludi thugna re mana soru neke au Ijep.

Ululahu Samuel 8:2

Nanghadi phei thugna mana re igre, mae teke kulu karha na mae Joel, eghuteuna fapea na mae Abaeja. Eghuteuna phiamae igre au ka namono Bereseba.