Jenesis 45:8 - Buka Blahi Ka Cheke Holo

⁸ “Eghume theome ghotilo teke kuru mei ghau iara ka namono igne na, nu God teke kuru mei ghau iara na. God neke vahi ghau iara mala nogna mae ofisa biꞌo lahu mae king gna Ijep. Iara mae mala reireghidi naikno te gnafa te au ka sugagna mana na igre, nei mae funei di vido te gnafa ka kantri Ijep.

Jenesis 45:8 ပူးပေါင်းရင်းမြစ်များ

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Letas Teke Riso Tei Mae Pol Ka Khiloau Rom 9:16

Eghume God ginauna vahini kaisei naikno leghuni nogna lolokeli thegna na. Eghuteuna nogna vavahi mana tuana theome lelheghu ka unha te magnahaghedi naiknore ba unha te fariuriu eni mare na.

Jone 19:11

Mae Jisas ne cheke eghu ka mae Paelat, “Iagho theo kaisei nou nolaghi ke klignagu iara. Nu iagho tangomana te tupijuru ghau iara na, naugna God neke snakre nigho iagho te mala eni tuana. Nu mae ihei te snakre ghau iara ka khamemu iagho na, mana thono nakhibogna biꞌo fara ke tulao mu iaghoi.”

Thoutonu Eigna Mae Job 29:16

Ka narane tuana, iara neke reireghi fakelidi naikno te kuma jateula kmadi eghu mare, eghuteuna kate thoke mei puhi biꞌo ka naikno phosa, iara mala cheke ranghidi ka fate.

Jajis 17:10

Aonu Maeka ne cheke eghu ka mana, “Iagho mei au kolho balugu iara agne. Iagho ginauna mala nogu pris iara, eghuteuna iagho ginauna cheke ranghi ghau iara unha te magnahagheni God te mala eni iara na. Iara ginauna tusu ari ka iagho nabotho silva koen nabagna kaisei finogha, eghuteuna iara ginauna tufa pohe nei gano eghula ka iagho.”

Jenesis 45:5

Eghuteuna gognaro na ghotilo thosei mhaghu nei diꞌatami ka themi eghu eigna puhi teke eni ghotilo ka iara ia. Eigna God neke kuru mei ghau iara agne ke ulumi ghotilo mala togho ghami ghotilo nei mala theome lehe ghotilo eghu ka vido te rofo gognaro gne.

Filimon 1:15

Jame gaoghathogna te tei koko nigho mae Onesimasi katha vido kmoꞌei igne, God magnahaghe nigho iagho teke hata fapuloni mala au balumu fabrahu.

Profet Isaia 22:21

Iara ginauna hata koko pohe nei nhugha eghu te fagaglana gna nou nafnakno na kate fahaghe iagho na, mala tusu lao ka mana, mala ke hata kasa mana nou gloku iagho na. Mana ginauna mala jateula kmadi eghu naiknodi Jerusalem nei keha naiknodi langau Juda.

Jenesis 45:26

Kate posa mare ka namono na, mare ne cheke eghu ka mae kmadi na, “Mama, mae Josep ne lelehi teku ia mana karhau ngala, mana theome lehe. Gognaro na mana ngala te funei ka vido te gnafa ka kantri Ijep na.” Mae Jekop nomhidi cheke igre ne rhana nogna fara ne tirogna fatutuani di nodi cheke mare igre.