Jenesis 45:3 - Buka Blahi Ka Cheke Holo

³ Mae Josep ne cheke eghu, “Iara mae Josep. Ba, mae kmagu iara na karhau ngau?” Nu hatimare mae thabusigna mana re ne mhaghu nodi fara ne theome tangomana te eni kaisei cheke na.

Jenesis 45:3 ပူးပေါင်းရင်းမြစ်များ

Mae Khuru 9:5

Mae Sol ne cheke eghu, “Iagho mae ihei sia, Lord?” Mana ne cheke eghu, “Iara mae Jisas. Iara ngala mae ihei teke parani iagho ia.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Thakle 1:7

Filo si ghotilo, mae Jisas na ginauna nake pulo mei balu grokho ka maloa na. Naikno te gnafare ginauna filoni mana, eghuteuna naikno teke jaꞌini mana tifa ra ginauna jaola filoni mana. Naikno ka namono te gnafa ka nauthoglu igne ginauna diꞌanagnafa balu tanhi fabiꞌo kate filoni mana na naugna mana au nolaghi biꞌo fara. Uve, ginauna jateula tuana eghu. Amen.

Luku 5:8

Mae Simon Pita filoni igne ne pogho soru ke ulugna mae Jisas ne cheke eghu ka mana, “Lord, thosei mei namo ka iara, naugna iara naikno diꞌa.”

Nonomho Te Keli Teke Risoi Mae Mak 6:50

Naugna mare kafe filoni mana ne mhaghu nodi fara. Mana ghosei ne cheke eghu ka mare, “Thosei nanga nomi! Iara mae Jisas! Thosei mhaghu!”

Thoutonu Eigna Mae Job 23:15

Naugna igne te mhaghu nogu fara iara kate ghathoni mana na.

Thoutonu Eigna Mae Job 4:5

Nu gognarona, kate thoke nigho puhi biꞌo na, gaoghathomu iagho na glaꞌe soru. Kate thoke nigho puhi biꞌo na, iagho na huruhanga.

Jenesis 37:20

Mei ghotilo, mala falelehe nodani mae igne mala koko lao nodani thinigna mae tuana ka kaisei khora ka igre eghu. Ke leghu na tahati ginauna na cheke eghu ka mae mama, ‘Kaisei bosu mhata ne ghamuni mana.’ Aonu tahati na laseni ne faꞌunha teuna ka nogna mifi mana igne.”

Jenesis 42:21

Kate tarabana teu mala ke pulo ka namono di na teu igne, mare ne cheke eghu fari thedi, “Tahati gne kabru eidi unha najafra teke edi theda ranghini mae thabusida igne. Tahati neke filoni mana teke tanhi nei eha neku ka tahati mala toghoni teku, nu tahati neke tiroda fanomho ka mana neku. Naugna igne tahati gognaro na kabru tughudi unha teke edi tahati ka mana ra eghu.”

Jenesis 42:22

Mae Ruben ne cheke eghu ka mare, “Iara neke chekehi ka ghotilo mala thosei faleheni mana neku, nu ghotilo neke tiromi fanomhidi chekegu iara ra. Eghume gognaro na tahati ke papara eidi unha teke edi tahati ranghini mae igne ra eghu.”

Jenesis 43:27

Mae Josep ne cheke eghu ka mare, “Nehau ngau ghotilo ia? Nehau ngau mae khuekuꞌe teke chekeni ghotilo ka iara tifa ia? Mana na keliu ngala?”