Jenesis 45:21 - Buka Blahi Ka Cheke Holo

²¹ Aonu thugna nalhaꞌu mae Jekop re ne leghuni unha teke chekeni mae king na. Mae Josep ne leghuni nogna cheke mae king na ne tusu lao keha kat ka mare. Eghuteuna mana ne jaola ne tusu lao keha gano te mala toghodi mare ka nabrou na.

Jenesis 45:21 ပူးပေါင်းရင်းမြစ်များ

Jenesis 45:19

“Iagho jaola cheke ka mare mala hata tei keha kat mala luja meidi goro gaꞌase nei goro sua nei mae kmadi na eghu baludi.

Profet Esikiel 23:24

Mare ginauna mei funudi ka vido te gnafa ke raru balu kmana soldia, nei chariot, nei keha kat mala luja glepo mala magra. Mare ginauna fahaghe khepi, nei pala greoreo eghu mei mala magra ka iagho. Eghuteuna iara ginauna snakredi mare mala mei hata nigho iagho mala fate nigho iagho leghuni nodi vetula mare na.

Lamentations 1:18

“Lord na thofno doglo fara, nu iara tirogu leghuni nogna Vetula mana na. Fanomho mei, ghotilo naiknogna nauthoglu igne! Filo mei ka puhi te au papara iara igne! Nogu mae majaghani nei gaꞌase majaghani teu iara ra, mae naoka gre la hata la tei kokodi nodi namono re, la tei au ka keha kantri delei!

Eklesiasti 8:2

Iagho mala leghuni chekegna king, naugna iagho neke nhaꞌa chekehi ka God te mala eni iagho igne.

Fapea Kronikols 35:16

Ka narane igne naiknore edi gobigna lepo te mala tufru soruni Lord ka Gaghamu Ghasa-Polho igne nei fafara te gahu mare ke kligna gna nogna olta Lord, leghuni unha teke chekeni King Josia.

Fapea Kronikols 8:13

Mana fafara koba ka narane blahire leghuni unha te chekeni ka nogna Vetula mae Moses. Tulao ka Narane Sabat, Gaghamu Khafa, nei thilo gaghamu te edi mare leuleghu finogha, Narane biꞌo eigna Bret te Theo Isi gna, Narane biꞌo eigna Fitu Wik, nei Narane biꞌo Eigna te Au ka Grorofe Ikoi.

Naba 3:16

Aonu mae Moses ne kahadi mare jateula teke cheke Lord ka mana na.

Eksodas 17:1

Naiknodi Israel gre ne leghuni chekegna Lord na ne jifla Sanai ka namono nagou na. Mare tangomana te jifla ka kaisei namono ke tei ka keha namono na teuna. Leghu lahu na mare mei ne posa ka vido te kiloi Refidim ne au jare. Nu vido igne theo kaisei khoꞌu te mala koꞌu na.

Jenesis 46:5

Aonu, mae Jekop ne jifla Bereseba ne tei Ijep. Mae thugnare ne lujani mana baludi khetodi nei thudi teure ka kat teke famei mae king gna Ijep na. Mare hata tei baludi keha buluka nei keha glepo langau eghu funu Kenan.

Jenesis 45:27

Nu hatimare ne toutonu ka mae kmadi na gobigna lepo teke chekedi mae Josep ka mare re. Kate filodi mae Jekop kat teke famei mae Josep te mala hatani mana te tei Ijep na, gaoghathogna mana na neke keli fapulo.

Jenesis 45:20

Iagho cheke ranghidi mala thosei nangadi mare gobigna lepo te au faleghu teu ka kantri Kenan, naugna iara ginauna na tusu ranghidi kmana glepo te keli fara te au ka kantri Ijep.”