Jenesis 45:20 - Buka Blahi Ka Cheke Holo

²⁰ Iagho cheke ranghidi mala thosei nangadi mare gobigna lepo te au faleghu teu ka kantri Kenan, naugna iara ginauna na tusu ranghidi kmana glepo te keli fara te au ka kantri Ijep.”

Jenesis 45:20 ပူးပေါင်းရင်းမြစ်များ

Profet Isaia 1:19

Jame te leghu ghau iara ghotilo na, iara ginauna togho ghami ghotilo te mala au fakeli ghotilo na, eghuteuna ghotilo ginauna au ghemi gano te keli ka nomi nagare are.

Luku 17:31

Ka narane tuana, mae ihei te au ke kosi suga na, thosei ruma lamna mala hata nogna glepore. Jaola mae ihei te au teu ka nagare na thosei ke pulo ka nogna suga na.

Profet Esikiel 20:17

Nu iara kokhoni nogudi fara neke theome snakredi te kafe lehe mare ke lamna namono nagou na.

Profet Esikiel 9:5

Iara nomhini Lord ne cheke eghu ka namno mae igre, “Ghotilo leghuni mae igne mala tei falithui ke lamnagna namono igne mala aknu falehe gnafa iheire te theo fagaglana ka greredi re. Ghotilo thosei kokhonini ihei ba snakreni kaisei naikno mala karha.

Profet Esikiel 7:9

Iara ginauna theome kokhoni ghami ghotilo, iara jaola na ginauna theome tangomana te fakarhi ghami ghotilo na. Iara ginauna nake tughu fapulo glepo te diꞌa teke edi ghotilo ra. “ ‘Mala laseni ghotilo te iara ngala Lord te para ghami ghotilo na.

Profet Esikiel 7:4

Iara ginauna theome kokhoni ghami ghotilo, eghuteuna iara ginauna jaola theome fakarhi ghami ghotilo. Iara ginauna nake tughu fapulo glepo te diꞌa teke edi ghotilo ra. “ ‘Mala laseni ghotilo te iara ngala Lord na.’ ”

Profet Isaia 13:18

Mae soldia igre ginauna fada falehe goro mae majaghani gna namono na ka jata. Eghuteuna mare ginauna jaola aknu falehe goro sua ikodi nei gegeꞌe teure. Uve mare theome kokhonidi kolho naiknore.

Esra 9:12

Eghume ghotilo thosei snakredi thumi gaꞌase are mala tolaghi ka thudi nalhaꞌu mare are, eghuteuna ghotilo thosei hata thudi gaꞌase mare are mala tolaghi mei ka thumi ghotilo are. Ghotilo ginauna thosei toghodi naikno igre mala rheta nei au fakeli eghu mare. Jame te leghudi ghotilo nogu cheke iara igre na, ghotilo ginauna tangomana te au fakeli nei ghamu fakeli teu ka glose igne, eghuteuna ke leghu na vikemi ghotilo re ginauna au fakeli fabrahu ka glose igne.’

Ululahu Samuel 30:24

Theo kaisei mae ka tahati te magnahaghei nomhini nafnata cheke te eni ghotilo tuana! Tahati te gnafa na mala kafe tufa fananaba ngala ka mae ihei teke au faleghu teku baludi noda gobigna lepo tahati ra, nei mae ihei teke tei ka magra ia eghu.”

Ululahu Samuel 25:13

Aonu mana ne cheke eghu ka mare, “Ghotilo atha nomi naflahi mala magra ra.” Aonu mare te gnafa na ne kafe kaikaliti. Mana jaola ne famamhaku nogna nhugha na ne sara haghe nogna naflahi mala magra na. Mana vavahi phia gobi mae mala reireghiu nodi glepore, eghuteuna fati gobi mae te mala tei balugna na.

Ululahu Samuel 10:22

Aonu mare ne tarai eghu ka Lord, “Lord, au aheva si mana gnea?” Eghuteuna Lord ne falalase ne cheke eghu, “Mae Sol na tei poru delei, ka nomi glepo ghotilo ra.”

Josua 7:11

Ghotilo tapla jafrahi ka nakhibo. Ghotilo huhughunihi nhaꞌa cheke teke eni iara balumi ghotilo ia. Ghotilo blauhi keha glepo mala thosei hata ghotilo teku iara ra.

Diutronomi 19:21

Ghotilo thosei kokhonini ihei te chaghi ka fate te mala goigonini keha mae na. Nafnata papara te magnahaghei eni mana ka keha mae na igne, ghotilo mala parani mana ka nafnata puhi teke enila mana na. Eghume, ghotilo mala hata tathagna, kheꞌigna, khamegna, gahegna, nei nakarhagna eghu naikno tuana nabagna unha teke eni mana na.”

Diutronomi 19:13

Ghotilo thosei kokhoni ni nafnata mae igne. Mae te diꞌa igne mala lehe, eghume ghotilo maemi Israel igre theome naba te mala papara ka unha te eni kate faleheni mae ihei te doglo na. Ka puhi igne ghotilo ginauna tangomana te au ka nakarha te keli.”

Diutronomi 7:16

Ghotilo mala aknu falehe naikno te gnafa te lisa ari Lord ka khamemi ghotilo are, thosei kokhonidi. Ghotilo mala thosei pogho soru ka nodi god mare re, naugna igne kaisei puhi te mala jateula kaisei phighoro teu mare te mala fakhale ghami ghotilo na.

Eksodas 22:7

“Jame kaisei mae tusu lao ka mae kheragna fofodu na keha sileni mala reireghi fakelidiu mana, aonu kaisei mae nablau mei me blau sileni tuare, eghuteuna mare laseni mae teke blau tuana, eghuteuna mare lolhoku mae tuana, mae teke blau tuana mala ke tughu fapulo phei phei eghu ka sileni teke blau mana re.

Jenesis 45:18

Chekedi mare mala hata mei mae kmadi na nei tharaknadi teure mala ke pulo mei ka iara agne. Iara ginauna na vahini kaisei vido te keli agne mala au mare. Eghuteuna mare ginauna karha kmana ghedi gano te mala ima na ka vido tuana.

Matiu 24:17

Mae ihei te au ka thagrugna nogna suga na, thosei soru tei hata fajifla nogna glepore ka nogna suga na.

Jenesis 20:15

Eghuteuna mae Abimelek ne cheke eghu ka mana, “Filo tongana sagho ka nogu namono iara are. Iagho tangomana te au soru jare ka vido aheva te magnahaghei iagho na.”

Jenesis 45:19

“Iagho jaola cheke ka mare mala hata tei keha kat mala luja meidi goro gaꞌase nei goro sua nei mae kmadi na eghu baludi.

Jenesis 45:21

Aonu thugna nalhaꞌu mae Jekop re ne leghuni unha teke chekeni mae king na. Mae Josep ne leghuni nogna cheke mae king na ne tusu lao keha kat ka mare. Eghuteuna mana ne jaola ne tusu lao keha gano te mala toghodi mare ka nabrou na.

Jenesis 47:6

Eghume iagho na filoni kaisei vido te thofno keli fara uludi keha vido ka vido te gnafa ke lamnagna namono Ijep. Iagho chekedi mare mala au soru mare agne Gosen, tuana keli kolho. Eghuteuna jame glahu te lasedi iagho keha mae te lase reireghi buluka na, iara magnahaghei nigho iagho te chekedi mare mala reireghidi nogu buluka iara ra.”