Jenesis 45:18 - Buka Blahi Ka Cheke Holo

¹⁸ Chekedi mare mala hata mei mae kmadi na nei tharaknadi teure mala ke pulo mei ka iara agne. Iara ginauna na vahini kaisei vido te keli agne mala au mare. Eghuteuna mare ginauna karha kmana ghedi gano te mala ima na ka vido tuana.

Jenesis 45:18 ပူးပေါင်းရင်းမြစ်များ

Jenesis 47:6

Eghume iagho na filoni kaisei vido te thofno keli fara uludi keha vido ka vido te gnafa ke lamnagna namono Ijep. Iagho chekedi mare mala au soru mare agne Gosen, tuana keli kolho. Eghuteuna jame glahu te lasedi iagho keha mae te lase reireghi buluka na, iara magnahaghei nigho iagho te chekedi mare mala reireghidi nogu buluka iara ra.”

Jenesis 27:28

Iara toreni God mala snakre mei nakhete ka maloa gne mala soru mei mala fabuabublani u glose gne mala bruara gano mana ka nou nagare iagho gre. Iagho ginauna na kmana gheu wit nei waen.

Nodi Khoje Hatimare Mae Jiu 147:14

Mana tusu ranghi ghita pharikeli mala au fakeli tahati ka kantri igne, nei tusu ranghi ghita gano te keli mala glealeꞌa tahati.

Naba 18:29

Ka glepo te tufa naiknore ka ghotilo are, ghotilo mala fafara mei famane glepo te gnafa are nogna Lord.

Naba 18:12

“Iara ngala teke tufa ari oliv oel nei waen majaghani nei famane gano teu ka ghotilo are. Eghume leuleghu finogha na, ghotilo ginauna tufa mei gano saro uludi ka nagare re ka iara Lord.

Profet Isaia 28:4

Namono biꞌo Samaria te au ke kligna famane glogu igne, keli fara jateula kaisei khepi flaoa eghu filogna na. Nu ginauna na dofini jateula sisi gaju fig teke saro kulu te khoko pari te filoni naiknore te hata te ghamu ra eghu.

Profet Isaia 28:1

Kokhonidi fara naikno te au ka namono biꞌo Samaria! Namono biꞌo te au ke kligna famane glogu igne ginauna thono diꞌa fara. Naugna mae te mala baubatu igre koꞌu thaviru ka waen, eghuteuna thiꞌadire fodu ka gano. Neuba naiknodi Israel igre ne fahaehaghedi fara. Nu mare ginauna balugna nodi famane taon igne na jateula famane khepi nafnakno teke hohoro goro sua ka flaoa ra eghu kolho. Ginauna ghosei lehe nei boto eghu kolho.

Nodi Khoje Hatimare Mae Jiu 81:16

Jame leghu ghau iara nogu naikno gre meuna, iara ginauna na faꞌimadi ka thofno gano te keli, eghuteuna iara ginauna na thofno faglealeꞌadi ka narane te imani mare jujurukuli te keli na.”

Diutronomi 32:14

Eghuteuna nomi buluka nei nanigot nei sipu teu ghotilo re blokha fara ka teke au reꞌe ka namono Besan. Reꞌe tufa kmana milk ka ghotilo. Eghuteuna nomi nagare wit ghotilo re famane fara. Eghuteuna waen ukru te koꞌu ghotilo re thofno mamahe fara.

Jenesis 45:17

Aonu mae king ne cheke eghu ka mae Josep, “Chekedi mae thabusimu re mala tarabana nodi dongki re mala ke pulo Kenan.

Jenesis 46:34

Ghotilo cheke eghu ka mana, ‘Mae biꞌo, ghehati mae greiregi sipu nei buluka eghu. Ghehati neke edi nafnata gloku igre funu suami ghilei posa gognaro gne. Eghuteuna vikegna mae kmami ghehati na neke edila nafnata gloku igre tifa na.’ Jame te cheke eghu ghotilo ka mae king na, mana ginauna na snakre ghami ghotilo mala au soru ka nohi Gosen, naugna naiknodi Ijep gre theome magnahaghedi mae greiregi sipu gre te au rhedire.”