Jenesis 45:15 - Buka Blahi Ka Cheke Holo

¹⁵ Eghuteuna mae Josep ne sopa loku ka mae tighagna re ne tanhi balu gnanghodi mare. Ke leghugna igne hatimare mae tighagna re ne toutonu balugna mana.

Jenesis 45:15 ပူးပေါင်းရင်းမြစ်များ

Luku 15:20

Aonu mae sitei na kegra haghe neke figri ka mae kmagna na. “Kate gaꞌu teu mae thugna na, mae kmagna na ne efra deni te mei mana na. Mana ne kokhoni nognani mae thugna na, chari ne tei ne gefe ka fafragna na ne gnanghoni mana.

Mae Khuru 20:37

Eghuteuna mare ne kafe loku famaku ka mae Pol ne gnanghoni mana fabrahu balu tanhi, naugna mae Pol ne chekeni ka mare, mare ginauna nake theome filo tathani mana. Aonu mare ne tei balugna mana ka vaka na.

Nodi Khoje Hatimare Mae Jiu 77:4

God theome snakre ghau iara te thuru na funu grafi posa hamerane, naugna igne iara ne nanga nogu fara ne theome tangomana iara te tarai na.

Fapea Samuel 14:33

Aonu mae Joab tei ne filoni mae king ne chekedi ka mana unha te chekedi mae Absalom igre. Ke leghugna igne, king ne kiloni mae Absalom ne tei filoni mana. Mae Absalom tei ne pogho soru pari ke ulugna king, aonu kate kegra haghe mana na, king ne gnanghoni mana.

Ululahu Samuel 20:41

Ke leghugna tela teihi mae sitei na, mae Devet jifla mei ka thina teke poru mana na ne mei ke ulugna mae Jonatan ne tuturupuku soru, mana ne thilo fata tufru soru pari ka glose na. Aonu phiamare ne faꞌababa ne orio tanhi, nu mae Devet ne tanhi nogna fara.

Ululahu Samuel 10:1

Aonu mana ne hata kaisei botol oliv oel ikoi ne tofa ka phaꞌugna mae Sol, gnafa teuna mae Samuel ne gnanghoni mae Sol ne cheke eghu ka mana, “Lord neke vahi nigho iagho mala king nei mala batudi naiknodi Israel.

Thoutonu Eigna Rut 1:14

Aonu repa neke funu orio tanhi fabiꞌo, kate tanhi te gnafa na, Opa ne kubae ka Naomi tanhi neke figri. Nu Rut ne tirogna tei kokoni Naomi.

Thoutonu Eigna Rut 1:9

God ginauna togho ghami ghopa mala ke tolaghi nei au fakeli eghu ghopa baludi khetomire.” Kate kubae te gnafa Naomi ka repa na, repa ne orio tanhi fabiꞌo.

Eksodas 4:27

Lord ne cheke eghu ka Eron, “Eron. Iagho tei thafoni Moses ka namono nagou gno.” Eghume, Eron tei ne thafoni mae Moses ka thogele blahi Sanai ne gnanghoni mana.

Jenesis 45:2

Mae Josep ne tanhi fa biꞌo fara, eghuteuna naiknodi Ijep teke au fanamo teku jare na ne nomhi ni te tanhi mana na. Eghuteuna mare ne tei ne toutonu ka naikno te au ka sugagna mae king na eigna igne.

Jenesis 33:4

Nu mae Iso chari ne tei ne loku famaku ka khamegna mae Jekop na ne kubae ka mana, eghuteuna phia mare ne orio tanhi fabiꞌo.

Jenesis 29:13

Kate nomhini mae Laban u nonomho eigna mae Jekop, thugna greghagna na, mana chari ne tei ne thafoni mana. Mae Laban ne loku famaku ka mae Jekop ne kubae ka mana ne hatani mana ne tei ka sugagna na. Aonu mae Jekop ne toutonu ka mae Laban eidi gobigna lepo teke edi ka thegna re.

Jenesis 29:11

Aonu mae Jekop ne gnanghoni Resel ne tanhi.

Jenesis 42:24

Kate nomhidi mana nodi cheke mae igre na, mana ne jifla ne tei delei ne tanhi poru. Ke leghugna te tanhi te gnafa na, mae Josep neke pulo mei neke cheke ka mare. Eghuteuna mana ne cheke ka nogna mae glokure ne lokini mae Simion ne haru khamegna mana re ke uludi mare.

Jenesis 45:14

Ke leghugna te cheke eghu te gnafa na, mae Josep ne loku ka mae Benjamin, mae tahigna na ne tanhi. Eghuteuna mae Benjamin ne jaola ne tanhi.

Jenesis 45:16

Keha naiknore ne toutonu ka iheire te loku ka sugagna mae king na eigna te mei au teu mae thabusigna mae Josep gre jare na. Mae king baludi nogna mae ofisa re ne nomhini cheke igne ne keli tadi fara.

Jenesis 46:29

Mae Josep ne chekedi nogna mae gloku re mala tarabana nogna chariot na mala tei thafoni mae kmagna na Gosen. Kate filoni mae kmagna na mae Josep tei ne lokini mae kmagna na ne tanhi ne tanhi.