Jenesis 45:14 - Buka Blahi Ka Cheke Holo

¹⁴ Ke leghugna te cheke eghu te gnafa na, mae Josep ne loku ka mae Benjamin, mae tahigna na ne tanhi. Eghuteuna mae Benjamin ne jaola ne tanhi.

Jenesis 45:14 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 1:31

Mare theome ghaoghatho fakeli, eghuteuna mare lase chaichaghi fara, theome kokhonidi keha naiknore.

Jenesis 46:29

Mae Josep ne chekedi nogna mae gloku re mala tarabana nogna chariot na mala tei thafoni mae kmagna na Gosen. Kate filoni mae kmagna na mae Josep tei ne lokini mae kmagna na ne tanhi ne tanhi.

Jenesis 33:4

Nu mae Iso chari ne tei ne loku famaku ka khamegna mae Jekop na ne kubae ka mana, eghuteuna phia mare ne orio tanhi fabiꞌo.

Jenesis 29:11

Aonu mae Jekop ne gnanghoni Resel ne tanhi.

Luku 15:20

Aonu mae sitei na kegra haghe neke figri ka mae kmagna na. “Kate gaꞌu teu mae thugna na, mae kmagna na ne efra deni te mei mana na. Mana ne kokhoni nognani mae thugna na, chari ne tei ne gefe ka fafragna na ne gnanghoni mana.

Jenesis 42:24

Kate nomhidi mana nodi cheke mae igre na, mana ne jifla ne tei delei ne tanhi poru. Ke leghugna te tanhi te gnafa na, mae Josep neke pulo mei neke cheke ka mare. Eghuteuna mana ne cheke ka nogna mae glokure ne lokini mae Simion ne haru khamegna mana re ke uludi mare.

Jenesis 43:30

Mae Josep ne diꞌanagnafa fara ka mae tahigna na ne namo tanhi fabiꞌo, aonu mana ghosei ne jifla kokodi mare ne tei ka nogna chogho na ne tanhi poru neu jare.

Jenesis 45:2

Mae Josep ne tanhi fa biꞌo fara, eghuteuna naiknodi Ijep teke au fanamo teku jare na ne nomhi ni te tanhi mana na. Eghuteuna mare ne tei ne toutonu ka naikno te au ka sugagna mae king na eigna igne.

Jenesis 45:15

Eghuteuna mae Josep ne sopa loku ka mae tighagna re ne tanhi balu gnanghodi mare. Ke leghugna igne hatimare mae tighagna re ne toutonu balugna mana.