Jenesis 45:10 - Buka Blahi Ka Cheke Holo

¹⁰ Ghotilo ginauna na kafe mei au rhegu iara agne ka nohi Gosen. Iagho baludi thumu, nei gramu, nei nou sipu, nei nou nanigot, nei nou buluka, nei nou gobigna lepo teke khotodi iagho ra eghu mala mei gnokro soru ka nohi igne.

Jenesis 45:10 ပူးပေါင်းရင်းမြစ်များ

Eksodas 9:26

Eghume kaisei nohi Gosen aheva te au mae Israel gre ngala te theome soru mei tagna u nakhete thina aes na.

Eksodas 8:22

“ ‘Nu kate mei khare igre na, Lord ginau na reireghi fakelini vido Gosen, ba nohi aheva te au nogna naikno manare. Khare igre ginau na theome filodi ka vido aheva te au nogna naikno mana re. Iagho ginau na filo glanini nei laseni eghu te kaisei mana ngala Lord te edi gobigna lepo te ninhigrana ka nou kantri iagho na igre.

Jenesis 46:34

Ghotilo cheke eghu ka mana, ‘Mae biꞌo, ghehati mae greiregi sipu nei buluka eghu. Ghehati neke edi nafnata gloku igre funu suami ghilei posa gognaro gne. Eghuteuna vikegna mae kmami ghehati na neke edila nafnata gloku igre tifa na.’ Jame te cheke eghu ghotilo ka mae king na, mana ginauna na snakre ghami ghotilo mala au soru ka nohi Gosen, naugna naiknodi Ijep gre theome magnahaghedi mae greiregi sipu gre te au rhedire.”

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Mae Khuru 7:14

Aonu mae Josep ne kurudi keha mae mala tei chekeni mae kmagna Jekop, nei vikegna te gnafare e mala kafe soru Ijep, khaputudire fitusalei glima naikno.

Jenesis 47:1

Mae Josep tei ne cheke eghu ka mae king, “Mae kmagu nei mae thabusigu teu iara re la posa meihi funudi Kenan. Mare hata mei nodi sipu nei nodi buluka nei nodi gobigna lepo teure baludi la mei auhi ka nohi Gosen gognaro gne.”

Jenesis 47:6

Eghume iagho na filoni kaisei vido te thofno keli fara uludi keha vido ka vido te gnafa ke lamnagna namono Ijep. Iagho chekedi mare mala au soru mare agne Gosen, tuana keli kolho. Eghuteuna jame glahu te lasedi iagho keha mae te lase reireghi buluka na, iara magnahaghei nigho iagho te chekedi mare mala reireghidi nogu buluka iara ra.”

Jenesis 47:4

Ghehati magnahaghei te mei au katha vido kmoꞌei kolho ka kantri igne, naugna vido te rofo igne la thono diꞌa fara ka ghehati Kenan, eghuteuna jare na theo kaisei buburu te mala ghamudi nomi sipu ghehati gre eghu. Eghume te keli teu iagho na, snakre ghami mala au soru ghehati ke lamnagna nohi Geson.”

Jenesis 47:12

Eghuteuna mae Josep ne fiofilo fakelidi kmagna, nei thabusigna, nei goro gaꞌase, nei goro sua eghu la ngau te au baludi re fei gano te mala ima na.

Nogna Buka Esta 10:3

Eghuteuna mae Modikae maegna Juda igne ne mei fapea mae ka mae King Sekses. Mae Jiu igre ne thofno ghatho tahuni mae Modikae, naugna mana loku heta ranghidi nogna naiknore mala au fakeli nei au kau pharikeli eghu ke lamnagna kantri igne.