Jenesis 45:1 - Buka Blahi Ka Cheke Holo

¹ Kate haimini mae Josep te rogna tanhi fara na, mana ne cheke eghu ka nogna mae gloku re, “Ghotilo ke jifla ghu kosi!” Ka vido tuana mana thegna kolho te au teu baludi mae thabusignare.

Jenesis 45:1 ပူးပေါင်းရင်းမြစ်များ

Matiu 18:15

Mae Jisas ne cheke eghu, “Jame kaisei mae kheramu iagho ka khiloau eni fadiꞌa ranghi nigho kaisei glepo, iagho tei cheke ka mana eigna unha teke eni fadiꞌa mana ranghi nigho iagho na. Ghopa eni poru glepo igne farihoteimi themi. Te magnahaghei fanomho fakeli mana ka iagho na, iagho toghoni mana mala ke fofodu fapulo ghopa.

Ululahu Korin 13:5

Mana na theome mala famamaja naikno, theome mala ghamu nhoto, nei theome mala ghosei diꞌatagna. Mana na theome mala ghathoni unha najafra teke eni ranghini kheragna fofodu na.

Mae Khuru 10:41

Mana neke theome fatakleni thegna ka naikno te gnafare. Nu mana neke thakle ka iheire kolho teke kulu vavahi God te mala kulu filoni mana re. Eghuteuna kate karha fapulohi mana na, ghehati neke ima nei koꞌu eghu balugna mana.

Profet Jeremaea 20:9

Jame te cheke eghu iara ka gaoghathogu thegu na, “Gognarona iara ginauna na ghatho ihoni Lord. Iara ginauna tirogu toutonu ka nanghagna mana.” Nu kate ghathoni iara igne na, glamnagu iara na brana jateula khaꞌaghi eghu. Eghuteuna iara haimidi nhubragu fateote'o re jateula te gnhubra eghu. Iara fariu riu mala haboni glamnagu na, nu iara theome tangomana te eni igne na.

Profet Isaia 42:14

Lord ne cheke eghu, “Raugha fara, iara te au kmu kolho na, eghuteuna iara neke theome toghodi nogu naiknore. Nu gognarona la thoke mei narane nate eni iara unha teke ghathoni iara na. Uve, iara ginauna eha fabiꞌo, jateula gaꞌase te kabru ghegna fara kate karha thugna ra eghu.

Fapea Samuel 1:20

“Thosei toutonu ka namono Gat! Thosei eha leghu nabrou ka namono Askelon! Te eghu ghotilo na, goro gaꞌasedi Filistia are ginauna keli tadi fara. Uve, thudi gaꞌase mae bongihehe di Filistia igre ginauna gleale'a.

Jenesis 44:34

Jame te theome ke pulo balugu iara mae sitei igne na, iara gne theome naba teke pulo ka mae mama na. Iara theome magnahaghei te filoni mae mama te diꞌanagnafa na.”

Fapea Samuel 13:9

Kate muita te brana teu bret igre, naꞌa hata ne tei ka mae Amnon mala ghamu mana. Nu mana tirogna ne cheke eghu, “Iagho chekedi mae gloku ra mala kafe tei kosi.” Aonu mare ne kafe jifla ne tei kosi.

Jenesis 42:24

Kate nomhidi mana nodi cheke mae igre na, mana ne jifla ne tei delei ne tanhi poru. Ke leghugna te tanhi te gnafa na, mae Josep neke pulo mei neke cheke ka mare. Eghuteuna mana ne cheke ka nogna mae glokure ne lokini mae Simion ne haru khamegna mana re ke uludi mare.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.