Jenesis 44:8 - Buka Blahi Ka Cheke Holo

⁸ Filo sagho, kate jifla ghehati ka kantri Kenan na, ghehati neke hata neke pulo sileni teke filodi ghehati ka nomi duku ra. Eghume jateula unha eghu me blau nila ghehati silva ba gol na ka sugagna nou mae funei iagho na eghu sia?

Jenesis 44:8 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 13:9

Vetula na cheke eghu, “Thosei tolaghi pedo, thosei falehe naikno, thosei blau, thosei mamagnani nogna glepo ihei na.” Vetula te gnafa baludi keha vetula langau teu igre thofno kaisei vetula ngala, te chekeni na, “Namhani kheramu fofodu na jateula iagho te namha nigho themu eghu.”

Matiu 19:18

Mana ne cheke eghu ka mae Jisas, “Vetula aheva gre?” Mae Jisas ne cheke eghu ka mana, “Thosei falehe naikno. Thosei tolaghi pedo. Thosei blau. Thosei chaghi eigna kaisei mae kau fate.

Diutronomi 5:19

Thosei blau.

Eksodas 20:15

“Thosei blau.

Jenesis 44:7

Nu mae thabusigna re ne cheke eghu ka mana, “Mae biꞌo, naugna unha site eni iagho nafnata cheke tuana ka ghehati gnea? Ghehati theome tangomana te eni unha te chekeni iagho igne.

Jenesis 43:12

Sileni nate hata ghotilo gognaro na, na jateula te phei fata eghu thutagna na ke tulaognai teke hata teke tei ghotilo ka thei ulu lahu ia. Eghuteuna ghotilo na jaola ke hata fapulo sileni teke lilisei mare ka nomi duku ghotilo ra eghu. Glahula me keha najafra kolho mare neke lilisei ka nomi duku ghotilo ra.

Jenesis 42:35

Aonu hatimare ne tofa soru nodi duku wit re ne filodi sileni teke foli wit mare re neke au neu ka nodi duku te gnafa thedi re! Eghuteuna mare te gnafa baludi mae kmadi na filodi sileni igre ne mhaghu nodi fara.

Jenesis 42:27

Kate tei te bongi na mare ne horo grorofe ne thuru. Eghuteuna kaisei mae ka hatimare mae thabusigna igre ne tothora nogna duku na mala hata keha gano malagna nogna dongki na. Mana ne filoni nogna sileni thegna na ka foflogna nogna duku na.

Jenesis 42:21

Kate tarabana teu mala ke pulo ka namono di na teu igne, mare ne cheke eghu fari thedi, “Tahati gne kabru eidi unha najafra teke edi theda ranghini mae thabusida igne. Tahati neke filoni mana teke tanhi nei eha neku ka tahati mala toghoni teku, nu tahati neke tiroda fanomho ka mana neku. Naugna igne tahati gognaro na kabru tughudi unha teke edi tahati ka mana ra eghu.”

Jenesis 43:18

Kate hatadi te tei ka sugagna mae Josep na, mare ne mhaghu nodi fara ne cheke eghu fari thedi, “Tore, mae igne hata mei ghita tahati agne, naugna eidi sileni teke lilisei ka noda duku tahati ra ka thei ulu lahu ia. Jame igne u ngala gaoghathogna te hata mei ghita mana ka suga igne. Mae igre ginauna na hata mei ghita tahati agne mala nodi mae gloku kolho mare. Eghuteuna mare ginauna na jaola hata noda dongki tahati gre eghu.”