Jenesis 44:30 - Buka Blahi Ka Cheke Holo

^30-31 “Mae biꞌo, jame te ke pulo iara ka mae mama eghuteuna theome filoni mae mama mae sitei gne teke pulo balugu iara teuna, mana ginauna na lehe, naugna mae sitei igne e thofno nagnafagna fara mae mama. Mae kmami ghehati na mana la thono kueku'e fara hi. Eghuteuna jame te theome hata fapulo ghehati balumi mae sitei igne na, mae mama ginauna na lehe ka diꞌanagnafa.

Jenesis 44:30 ပူးပေါင်းရင်းမြစ်များ

Ululahu Samuel 18:1

King ghe mae Devet ne toutonudi unha teke edi mae Devet re. Funu ka narane igne, mae king ne theome snakreni mae Devet teke figri ka namono gna na, naugna mana magnahagheni mae Devet te loku ranghini. Ka vido tuana mae Jonatan thugna mae Sol igne fofodu fara balugna mae Devet jateula kaisei thabusigna eghu.

Fapea Samuel 18:33

King nomhini igne ne thono diꞌanagnafa gna fara. Mana kegra haghe ne tei ruma ka kaisei chogho kligna ka grengathagna bara thina na ne tanhi eghu fabiꞌo, “Thuguo Absalom! Thuguo Absalom! Te keli na jame iara nga teke lehe tughu nigho iagho na. Theome iagho, thuguo Absalom!”

Ululahu Samuel 25:29

Neuba ihei ne ngolhi nigho mala falehe nigho neu, Lord ginauna reireghi nigho jateula mae te reireghidi nogna glepo ra eghu. Mana ginauna koko soru nou naoka iaghore pari, jateula mae te koko soru thina te plulu ka khoꞌura eghu.

Jenesis 44:34

Jame te theome ke pulo balugu iara mae sitei igne na, iara gne theome naba teke pulo ka mae mama na. Iara theome magnahaghei te filoni mae mama te diꞌanagnafa na.”

Jenesis 44:17

Nu mae Josep ne cheke eghu ka mae Juda, “Theo fara. Iara theome tangomana te snakreni ka ghotilo te eghu na. Mae teke blau nogu kapu iara igne kolho nate mala nogu mae gloku iara na. Ghotilo keha mae ra snaglau nomi mala ke pulo ka mae kmami ia. Iara theome cheke ka ghotilo.”

Jenesis 44:20

Eghuteuna ghehati neke cheke eghu, ‘Uve, ghehati au kmami la khueku'ehi. Ghehati jaola au mae tahimi te iko lahu na eghu. Mana neke karha ka ido ka tela kueku'ehi mae mama na. Idomi ghehati igne neke au phei thugna nalhaꞌu, eghuteuna thofno mae thabusigna mae sitei igne, mana la lehehi. Kaisei mana ngala te au teu na, eghume mae mama na thofno magnahagheni fara mana eghu.’

Jenesis 44:22

Eghuteuna ghehati neke cheke eghu ka iagho, ‘Mae sitei igne theome tangomana te tei kokoni mae mama na. Jame tei kokoni mana mae mama na, mae mama ginauna na lehe.’