Jenesis 44:29 - Buka Blahi Ka Cheke Holo

²⁹ Gognaro na teuna ghotilo jaola ke magnahagheni mae thugu iara Benjamin gne na mala ke tei balumi mala ke tei fakhaba ghau iara. Jame te thokeni mana keha glepo te diꞌa fara ka nabrou na, ghotilo ginauna na fakabru ghau iara ka u diꞌanagnafa ghilei lehe.’

Jenesis 44:29 ပူးပေါင်းရင်းမြစ်များ

Jenesis 42:38

Nu mae Jekop ne cheke eghu, “Mae thugu iara Benjamin igne theome tangomana te tei balumi ghotilo na. Theo. Naugna mae thofno tighagna na la lehehi, kaisei mana kolho te au teu balugu iara gognaro na. Te mhaghuni iara na, glahula edi keha glepo te diꞌa fara ka mana ka nabrou te tei ghotilo Ijep ana. Meu la na, iara ginauna na lehe ka diꞌanagnafa, naugna iara la mae khueku'ehi.”

Jenesis 43:14

Iara toreni God mae ihei te nolaghi fara na mala toghoni gaoghathogna mae funei igne mala kokhoni ghami ghotilo. Iara toreni God mala snakredi mae Simion ghe mae Benjamin gre mala ke pulo mei balumi ghotilo. Nu jame teke gaoghathogna God teke mala hata fadeleidi mae thugu iara gre teku na, mare na hata fadeleidi ka iara.”

Diutronomi 31:17

Aonu kate eni mare igne na, iara ginauna diꞌatagu fara ka mare, eghuteuna iara ginauna lisadi mare. Iara ginauna poru ka mare, eghuteuna kmana puhi ginauna mei goigonidi mare. Mare ginauna thokedi kmana puhi biꞌo, eghuteuna kate thoke mei glepo te diꞌa ka mare na, mare ginauna laseni te theome au iara baludi mare na.

Jenesis 42:36

Mae kmadi na ne cheke eghu ka mare, “Ka puhimi ghotilo la dofidi iara phei mae thugu ra. Ulu lahu na mae Josep, eghuteuna ke leghu na mae Simion. Eghuteuna gognaro na ghotilo ke jaola ke magnahagheni mae Benjamin teke mala tei au fadelei ka iara na. Gobigna lepo igre fakokhoana ghau iara.”

Jenesis 37:35

Thugna nalhaꞌu nei thugna gaꞌase teure ne kafe mei fameomegoni mana mala ke keli nagnafa fapulo mana. Mana tirogna fara ne cheke eghu, “Iara gne na tanhini mana fabrahu ngala ghilei tei iara au balugna mana ka namonodi mae tela lehehi ra.” Aonu mae Jekop ne theome gnafa ne tanhini fabrahuni mae Josep.

Jenesis 42:4

Nu mae Jekop ne theome snakreni mae Benjamin te tei baludi mare na. Eigna mae Benjamin gne thofno tahigna mae Josep. Mae Jekop ne nanga nogna fara glahula mei keha mae neneini mana ka nabrou na.