Jenesis 44:21 - Buka Blahi Ka Cheke Holo

²¹ “Mae biꞌo, iagho neke cheke eghu ka ghehati, ‘Hata mei agne mae tahimi na mala filoni iara thegu mana na.’

Jenesis 44:21 ပူးပေါင်းရင်းမြစ်များ

Jenesis 42:15

Nu iara na fariuriu ghami ghotilo mala laseni te cheke tutuani ghotilo na. Iara na thofno cheke ka nanghagna mae king gna Ijep. Te theome mei kegra ghotilo ke ulugu iara agne mae teke karha leghu lahu ka ghotilo na, ghotilo ginauna nake theome pulo ka namonomi na.

Jenesis 42:20

Hata mae tahimi na ke pulo mei ka iara, iara ginauna na fatutuanidi nomi cheke ghotilo ra. Te eni ghotilo igne na ghotilo ginauna na theome lehe.” Aonu mare ne keli tadi ka cheke te edi mae Josep igre ne tarabana mala ke pulo ka namono.

Profet Emos 9:4

Neuba mae naokare ne hatadi mare ne tei ka namono te khaba fara mala nodi naikno sneka neu, iara ginauna cheke faheta ka mae naoka igre mala aknu falehedi jare. “Iara theome tangomana te toghodi re, iara na goigoni fahuidi gnafa.”

Profet Jeremaea 40:4

Gognarogne iara atha koko chen igne ka khamemu iagho na mala snakre tei nigho iagho. Jame te magnahaghei mei iagho balugu iara na, tapa tangomana te tei Babilonia. Iara ginauna tangomana te reireghi fakeli nigho iagho na. Nu jame te tirou tei iagho na, keliu kolho. Filo sagho. Glose te au ke ulumu iagho ana, iagho snagla tangomana te tei ka namono aheva te magnahaghei tei iagho na.”

Profet Jeremaea 24:6

Iara ginauna fablahidi nei reireghi fakelidi eghu. Eghuteuna iara ginauna nake atha fapulodi agne Juda mala ke au fakeli. Iara jateula kaisei mae te babana suga te maku te theome tangomana te groꞌe, ba jateula kaisei nagare te theome krathu ra eghu.

Jenesis 43:29

Mae Josep ne filoni mae Benjamin thofno mae tahigna na ne cheke eghu, “Mae igne jau si mae iko lahu ka ghotilo teke chekeni ghotilo ka iara ia?” Eghuteuna mana ne cheke eghu ka mae Benjamin, “Thuguo, God na keli ranghi nigho iagho.”

Jenesis 44:22

Eghuteuna ghehati neke cheke eghu ka iagho, ‘Mae sitei igne theome tangomana te tei kokoni mae mama na. Jame tei kokoni mana mae mama na, mae mama ginauna na lehe.’