Jenesis 44:20 - Buka Blahi Ka Cheke Holo

²⁰ Eghuteuna ghehati neke cheke eghu, ‘Uve, ghehati au kmami la khueku'ehi. Ghehati jaola au mae tahimi te iko lahu na eghu. Mana neke karha ka ido ka tela kueku'ehi mae mama na. Idomi ghehati igne neke au phei thugna nalhaꞌu, eghuteuna thofno mae thabusigna mae sitei igne, mana la lehehi. Kaisei mana ngala te au teu na, eghume mae mama na thofno magnahagheni fara mana eghu.’

Jenesis 44:20 ပူးပေါင်းရင်းမြစ်များ

Jenesis 37:3

Aonu mae Jekop ne namhani fara mae Josep ke tulaodi keha thugna re, naugna mae Josep gne neke karha ka vido tela kuekuꞌehi mana na. Eghuteuna mana ne hohoro kaisei fagano phoko te brahu khamegna re ne tusu lao ka mae Josep.

Jenesis 42:38

Nu mae Jekop ne cheke eghu, “Mae thugu iara Benjamin igne theome tangomana te tei balumi ghotilo na. Theo. Naugna mae thofno tighagna na la lehehi, kaisei mana kolho te au teu balugu iara gognaro na. Te mhaghuni iara na, glahula edi keha glepo te diꞌa fara ka mana ka nabrou te tei ghotilo Ijep ana. Meu la na, iara ginauna na lehe ka diꞌanagnafa, naugna iara la mae khueku'ehi.”

Luku 7:12

Kate posa mei mae Jisas rhegna namono na, kaisei jajagha naikno te mala tei ka giugilu na pala ne mei kaisei mae sua nalhaꞌu teke lehe na. Mae sua igne ngala thugna naikno biꞌo te glehe kokoi na. Eghuteuna naiknogna namono tuana ne kafe tei balugna naꞌa.

Jenesis 49:8

“Ghema Juda, hatimare mae thabusimu iagho igre mare ginauna na fafnaknoni nanghamu iagho na. Iagho ginauna na loku famaku ka graradi nou naoka re, eghuteuna hatimare mae thabusimu iagho igre mare ginauna na pogho soru nigho iagho.

Jenesis 46:21

Teke thugna nalhaꞌu mae Benjamin re nanghadire mae Bela nei mae Beka nei mae Asbel nei mae Gera nei mae Naman nei mae Ehi nei mae Ros nei mae Mupim nei mae Hupim nei mae At.

Jenesis 42:36

Mae kmadi na ne cheke eghu ka mare, “Ka puhimi ghotilo la dofidi iara phei mae thugu ra. Ulu lahu na mae Josep, eghuteuna ke leghu na mae Simion. Eghuteuna gognaro na ghotilo ke jaola ke magnahagheni mae Benjamin teke mala tei au fadelei ka iara na. Gobigna lepo igre fakokhoana ghau iara.”

Jenesis 42:13

Hatimare ne cheke eghu ka mana, “Mae funei, theo. Ghehati gne neke nabotho phei mae thabusigna neke karha ka kaisei mae kmami kolho ka kantri Kenan. Mae teke karha leghu lahu ka ghehati na mana gognaro na au balugna mae kmami ghehati na. Eghuteuna kaisei mae thabusimi ghehati na la tei la dofinihi tifa.”

Jenesis 37:19

Hatimare ne cheke eghu fari thedi, “Igne tela mei mae te mala mifi ia!

Jenesis 35:18

Nu kate fnuda te namo lehe na, Resel ne kiloni thugna nalhaꞌu na Benoni. Gaoghathogna na “Sua neke karha mei balu khabru biꞌo.” Kate fanangha te gnafa sua igne, Resel ne lehe. Nu ke leghu na mae Jekop neke kiloni mae sitei na mae Benjamin. Gaoghathogna na “Mae sitei igne ginauna au ka nakarha te keli.”