Jenesis 44:2 - Buka Blahi Ka Cheke Holo

² Eghuteuna hata nogu kapu iara te silva igne mala hohono ka nogna duku mae Benjamin ana. Iagho jaola ke hohono fapulo nogna sileni mala mei foli wit teku mana are.” Aonu mae gloku na ne leghuni unha teke chekeni mae Josep na.

Jenesis 44:2 ပူးပေါင်းရင်းမြစ်များ

Fapea Korin 8:8

Iara theome lisei soru kaisei vetula ranghi ghami. Nu kate toutonu ka ghotilo na iara eni igne mala laseni ghotilo eidi naikno khiloau te au Masidonia, mare magnahaghei fara te toghodi keha naiknore. Uve, iara neke eni igne naugna iara magnahaghei te filoni glahula te au thofno namha na ka ghotilo nanaba ka mare.

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Diutronomi 13:3

Nu ghotilo thosei leghuni nogna cheke mae profet tuana. Lord nomi God ghotilo na, mana tangomana te fariuriu ghami ghotilo mala laseni jame ghotilo te thofno namhani mana ka nagnafami fateote'o nei ka gaoghathomi fateote'o.

Diutronomi 8:16

Eghuteuna mana neke tusu mei ka ghotilo ‘manna’ igne mala ghamu boho ghotilo. Nu gano igne, ghotilo baludi kuꞌemi ghotilo tifara neke theome laseni gano igne. Lord neke eni igne mala thoke ghami ghotilo narane te ninhigrana mala fariuriu ghami ghotilo, nei mala gaoghathomi ghotilo na, eghuteuna ke leghu na Lord neke fablahi ghami ghotilo ka kmana nafnata glepo te keli.

Diutronomi 8:2

Leuleghu fata na ghotilo mala ke ghathoni Lord nomi God mae ihei teke batu ghami ke lamna namono nagou nabagna phiatutu finogha. Mana neke fariuriu ghami ghotilo kate thokedi narane te ninhigrana mala laseni na tangomana ghotilo te leghudi nogna vetula mana re ba theo.

Jenesis 43:32

Mae Josep thegna ka keha tevo na nei hatimare mae thabusignare thedi ka keha tevo na. Eghuteuna hatimare mae Ijep te au balugna mae Josep gre mare thedi ngau ka keha tevo na, naugna ka nodi kastom mae Ijep re mare theome tangomana te ima fodu baludi mae Hibru re.

Jenesis 42:20

Hata mae tahimi na ke pulo mei ka iara, iara ginauna na fatutuanidi nomi cheke ghotilo ra. Te eni ghotilo igne na ghotilo ginauna na theome lehe.” Aonu mare ne keli tadi ka cheke te edi mae Josep igre ne tarabana mala ke pulo ka namono.

Jenesis 44:1

Kate ima te gnafa mare na, mae Josep ne cheke eghu ranghini nogna mae gloku te mala reireghi gna nogna suga na, “Fa fofodu nodi duku mae te ima balugu iara igre ka wit naba te mala hata teke pulo mare na. Eghuteuna ke hohono fapulo nodi sileni are ka soasopaigna nodi dukure.

Jenesis 44:3

Hamerane boibongi nogna mae gloku mae Josep igre ne kuru fajifladi hatimare thabusigna baludi nodi dongki ra.

Jenesis 44:12

Eghuteuna nogna mae gloku mae Josep na ne funu efra fakeli ka nodi duku hatimare mae thabusigna igre, fufunu ka nogna duku mae biꞌo lahu na ne tei posa ka mae iko lahu na. Eghuteuna mana ne filo deni kapu igne ka nogna duku mae Benjamin na.

Jenesis 42:25

Ke leghugna igne mae Josep ne chekedi nogna mae glokure mala hohono fafodu ka wit nodi duku mae tighagna re, eghuteuna gnafa teuna ke sopagna hohono fapulo nodi sileni re ka nodi duku thedi ra. Eghuteuna mae glokure ne jaola ne hohono keha gano te mala toghodi mare ka nabrou na. Hatimare ne edi unha teke chekedi mae Josep re.