Jenesis 44:17 - Buka Blahi Ka Cheke Holo

¹⁷ Nu mae Josep ne cheke eghu ka mae Juda, “Theo fara. Iara theome tangomana te snakreni ka ghotilo te eghu na. Mae teke blau nogu kapu iara igne kolho nate mala nogu mae gloku iara na. Ghotilo keha mae ra snaglau nomi mala ke pulo ka mae kmami ia. Iara theome cheke ka ghotilo.”

Jenesis 44:17 ပူးပေါင်းရင်းမြစ်များ

Proveb 17:15

Jame mae mala fate snakre fajiflani mae te diꞌa na, ba parani mae te keli na. Lord na tirognadi phei puhi igre.

Nodi Khoje Hatimare Mae Jiu 75:2

God ne cheke eghu, “Iara la kulu liliseihi thofno narane te mala fatedi naiknore, eghuteuna iara ginauna fatedi naiknore ka puhi te doglo.

Fapea Samuel 23:3

Noda God tahati maeda Israel, mana neke cheke. Nodi Thina rheta mae Israel, mana neke cheke eghu ka iara, ‘King igne mana funei frunidi naiknore ka puhi te doglo, nei ka puhi te ghatho tahuni God,

Jenesis 42:18

Ka fatilo narane na mae Josep ne cheke eghu ka mare, “Iara kaisei mae mala mhaghuni God. Jame te leghudi ghotilo nogu cheke iara igre na, ghotilo ginauna na theome lehe.

Jenesis 26:29

‘Iagho ginauna mala thosei eni kaisei puhi te diꞌa ka ghehati. Naugna ghehati neke theome eni kaisei puhi te diꞌa ka iagho. Ghehati neke keli ranghi nigho iagho neke kuru fajifla nigho iagho ka u pharikeli. Eghuteuna gognaro na ghehati toreni Lord mala fablahi nigho iagho.’ ”

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Jenesis 44:16

Mae Juda ne cheke eghu ka mana, “Mae biꞌo, ghehati theome naba te chekeni ne theome khale ka najafra teuna. Eigna God la fakakhana hi nomi najafra ghehati re. Eghume ghehati te gnafa aro teu ngala nate nou mae gloku iagho na, theome mae Benjamin kolho.”

Jenesis 44:18

Aonu mae Juda lao ne kegra rhegna mae Josep ne cheke eghu ka mana, “Mae biꞌo, those diꞌatamu ka iara. Iara magnahaghei te famane facheke ka iagho naugna iagho kaisei mae nolaghi fara, jateula mae king gna Ijep thegna eghu.

Jenesis 44:10

Mae gloku na ne cheke eghu ka mare, “Nomi cheke ghotilo tuare thofno doglo fara nu jame te filoni iara mae ihei ka ghotilo te hata teu kapu na, mae igne ginauna mala nogu mae gloku iara ngala. Ghotilo keha mae ra tangomana nate ke tei nomi na eghu.”