Jenesis 44:12 - Buka Blahi Ka Cheke Holo

¹² Eghuteuna nogna mae gloku mae Josep na ne funu efra fakeli ka nodi duku hatimare mae thabusigna igre, fufunu ka nogna duku mae biꞌo lahu na ne tei posa ka mae iko lahu na. Eghuteuna mana ne filo deni kapu igne ka nogna duku mae Benjamin na.

Jenesis 44:12 ပူးပေါင်းရင်းမြစ်များ

Jenesis 44:2

Eghuteuna hata nogu kapu iara te silva igne mala hohono ka nogna duku mae Benjamin ana. Iagho jaola ke hohono fapulo nogna sileni mala mei foli wit teku mana are.” Aonu mae gloku na ne leghuni unha teke chekeni mae Josep na.

Jenesis 43:33

Mae Josep ne fagnokrodi mare leghuni teke karhadire, funu ka mae teke kulu karha na tei gnafa ka mae teke karha leghu lahu na. Kate eni nafnata na gnokro igne, mare jaglo nodi ne fari filoi.

Jenesis 43:14

Iara toreni God mae ihei te nolaghi fara na mala toghoni gaoghathogna mae funei igne mala kokhoni ghami ghotilo. Iara toreni God mala snakredi mae Simion ghe mae Benjamin gre mala ke pulo mei balumi ghotilo. Nu jame teke gaoghathogna God teke mala hata fadeleidi mae thugu iara gre teku na, mare na hata fadeleidi ka iara.”

Jenesis 44:11

Aonu hatimare mae thabusigna igre ghosei ne kafe lisei soru nodi duku re pari ne tothora.