Jenesis 44:10 - Buka Blahi Ka Cheke Holo

¹⁰ Mae gloku na ne cheke eghu ka mare, “Nomi cheke ghotilo tuare thofno doglo fara nu jame te filoni iara mae ihei ka ghotilo te hata teu kapu na, mae igne ginauna mala nogu mae gloku iara ngala. Ghotilo keha mae ra tangomana nate ke tei nomi na eghu.”

Jenesis 44:10 ပူးပေါင်းရင်းမြစ်များ

Jenesis 44:33

“Eghume iara magnahaghe nigho iagho te snakre ghau iara mala ke tughuni mae sitei igne, eghuteuna iara ginauna mala au agne mala nou mae gloku iagho. Iara tore nigho fara mala snakreni iagho mana mala ke pulo mana ka mae mama baludi mae tighagna igre.

Jenesis 44:17

Nu mae Josep ne cheke eghu ka mae Juda, “Theo fara. Iara theome tangomana te snakreni ka ghotilo te eghu na. Mae teke blau nogu kapu iara igne kolho nate mala nogu mae gloku iara na. Ghotilo keha mae ra snaglau nomi mala ke pulo ka mae kmami ia. Iara theome cheke ka ghotilo.”

Jenesis 44:9

Jame te filoni iagho kapu na ka mae ihei ka ghehati aro na, iagho tangomana te faleheni mae tuana. Eghuteuna ghehati gre mala nou mae gloku kolho iagho eghu.”

Jenesis 44:11

Aonu hatimare mae thabusigna igre ghosei ne kafe lisei soru nodi duku re pari ne tothora.