Jenesis 44:1 - Buka Blahi Ka Cheke Holo

¹ Kate ima te gnafa mare na, mae Josep ne cheke eghu ranghini nogna mae gloku te mala reireghi gna nogna suga na, “Fa fofodu nodi duku mae te ima balugu iara igre ka wit naba te mala hata teke pulo mare na. Eghuteuna ke hohono fapulo nodi sileni are ka soasopaigna nodi dukure.

Jenesis 44:1 ပူးပေါင်းရင်းမြစ်များ

Jenesis 42:25

Ke leghugna igne mae Josep ne chekedi nogna mae glokure mala hohono fafodu ka wit nodi duku mae tighagna re, eghuteuna gnafa teuna ke sopagna hohono fapulo nodi sileni re ka nodi duku thedi ra. Eghuteuna mae glokure ne jaola ne hohono keha gano te mala toghodi mare ka nabrou na. Hatimare ne edi unha teke chekedi mae Josep re.

Jenesis 43:16

Aonu kate filoni mae Benjamin gne baludi mare na, mae Josep ne cheke eghu ka mae gloku te mala reireghigna nogna suga na, “Iagho hata mae igre mala tei ka nogu suga iara gno. Eghuteuna falelehe kaisei buluka mala kuki. Mae igre mala ima balugu iara naublatha ginau.”

Profet Isaia 3:1

Fanomho mei, ghotilo naiknomi Jerusalem nei Juda! Lord mae ihei te au nolaghi fateote'o igne, ginauna atha fadelei gano nei khoꞌu eghu te magnahaghedi fara ghotilo ka nakarhami are.

Jenesis 43:19

Aonu mare ne filoni nogna mae gloku mae Josep te mala reireghigna nogna suga mana na kegra neu jare rhegna grengatha na, mare tei ne cheke eghu ka mana,

Jenesis 43:2

Eghuteuna kate ghamu tela gnafahi gano teke tei teke hata mare Ijep ra, mae Jekop ne cheke eghu ka mae thugna re, “Ghotilo nake pulo Ijep mala ke foli gheda gano.”

Jenesis 24:2

Aonu mae Ebraham ne ehani nogna mae gloku te loku ranghini mana funu tifa na. Mae igne mae ihei mala reireghidi nogna glepo te gnafa teke khotodi mae Ebraham re. Mae Ebraham ne cheke eghu ka mana, “Haboni thinigu iara gne fagaglana gna nate leghudi iagho nogu cheke iara gre.

Jenesis 44:2

Eghuteuna hata nogu kapu iara te silva igne mala hohono ka nogna duku mae Benjamin ana. Iagho jaola ke hohono fapulo nogna sileni mala mei foli wit teku mana are.” Aonu mae gloku na ne leghuni unha teke chekeni mae Josep na.

Jenesis 42:35

Aonu hatimare ne tofa soru nodi duku wit re ne filodi sileni teke foli wit mare re neke au neu ka nodi duku te gnafa thedi re! Eghuteuna mare te gnafa baludi mae kmadi na filodi sileni igre ne mhaghu nodi fara.