Jenesis 43:8 - Buka Blahi Ka Cheke Holo

⁸ Mae Juda ne cheke eghu ka mae kmadi na, “Iagho snakreni mae Benjamin gne mala tei balumi ghehati. Teuna iagho nei thumi ghehati gre nei ghehati la ngau teu na ginauna na theome lehe ka rofo.

Jenesis 43:8 ပူးပေါင်းရင်းမြစ်များ

Jenesis 42:2

Cheke te nomhini iara na jare Ijep na au ganou. Tei si ghotilo mala foli keha gheda gano jare, na eghunu lehe tahati ka rofo eghu.”

Diutronomi 33:6

Mae Moses tudu ne cheke eghu ka vikedi Israel: “Vikegna mae Ruben, ghotilo ginauna theome kmana, nu ghotilo ginauna karha, eghuteuna jame te keli na ghotilo na theome tangomana nate lehe na.

Nodi Khoje Hatimare Mae Jiu 118:17

Iara ginauna na theome lehe, iara na karhau mala toutonudi unha teke edi Lord re.

Esra 8:21

Kate au teu ghehati ka gerigna khoꞌu biꞌo Ahava igne, iara ne cheke ka mae iheire te khapru teu ka vido igne mala thosei ghamu nei nhaꞌa fapari ghami themi ke ulugna God. Eghuteuna ghehati toreni mana mala batu ghami ka nabrou na nei reireghi fakelidi thumi nei nomi gobigna lepore.

Fapea Kings 7:13

Kaisei nogna mae biꞌo mana na ne cheke eghu, “King, kmana naikno agne la lehehi, eghuteuna iheire te karha nga teu igre ginauna na theome raugha lehe la. Tahati au ngau keha hose. Te keli na iagho vavahi keha mae, eghuteuna iagho snakredi mare mala hata glima hose tuare. Mare tangomana te tei te filoni unha teke eni jare na.”

Fapea Kings 7:4

Tahati theome tangomana te tei lamna namono na, naugna tahati ginauna lehe kolho ka grofo. Eghuteuna jame au teu tahati agne na, tahati ginauna jaola lehe. Jau tahati na faghila ari kate au armi gna Siria gno mala snakre lao ghita theda ka khamedi mare. Jame te falehe ghita mare na, tahati mala lehe. Nu jame te theome falehe ghita mare na, tahati na karha.”

Naba 14:31

Ghotilo cheke eidi naiknodi Kenan gre ginauna atha fadelei thumi ghotilo re, nu iara ginauna athadi mare tei ka vido te tiromini ghotilo ia.

Eksodas 20:12

“Ghatho tahudi idomi kmami are, nei leghudi nodi cheke re eghu. Jame te eghu ghotilo na, ghotilo ginau na theome ghosei lehe, thono theo fara. Ghotilo ginau na karha fabrahu tifa tifa ka glose teke tusu ari iara Lord nomi God ghotilo igne.

Jenesis 50:21

Eghume ghotilo thosei mhaghu ghau iara eghu. Iara ginauna na fiofilo ghami ghotilo baludi thumi are ka unha te mala nabami ghotilo na.” Mae Josep ne fagano cheke ka mae thabusignare neke fakeli nagnafadi mare.

Jenesis 50:8

Naikno te gnafa teke au balugna mae Josep re nei hatimare mae thabusigna mana re eghu ne tei balugna mana. Eghuteuna iheire te gnafa teke au balugna mae kmadi na eghu ne jaola ne tei. Goro sua te ikodi re, nei nodi buluka re, nei nodi sipu re eghu kolho te au faleghu teu ka nohi Gosen.

Jenesis 45:19

“Iagho jaola cheke ka mare mala hata tei keha kat mala luja meidi goro gaꞌase nei goro sua nei mae kmadi na eghu baludi.

Jenesis 44:26

Eghuteuna ghehati neke cheke eghu ka mana, ‘Jame te theome snakreni iagho mae tahimi ghehati gne te tei balumi ghehati na, ghehati theome tangomana te tei na. Eghuteuna mae igne ginauna na tirogna fara teke filo ghami ghehati na eghu. Eghume jame la tei ngau mae tahimi ghehati gne ame tangomana nga ghehati te tei na eghu.’

Jenesis 42:38

Nu mae Jekop ne cheke eghu, “Mae thugu iara Benjamin igne theome tangomana te tei balumi ghotilo na. Theo. Naugna mae thofno tighagna na la lehehi, kaisei mana kolho te au teu balugu iara gognaro na. Te mhaghuni iara na, glahula edi keha glepo te diꞌa fara ka mana ka nabrou te tei ghotilo Ijep ana. Meu la na, iara ginauna na lehe ka diꞌanagnafa, naugna iara la mae khueku'ehi.”

Jenesis 44:20

Eghuteuna ghehati neke cheke eghu, ‘Uve, ghehati au kmami la khueku'ehi. Ghehati jaola au mae tahimi te iko lahu na eghu. Mana neke karha ka ido ka tela kueku'ehi mae mama na. Idomi ghehati igne neke au phei thugna nalhaꞌu, eghuteuna thofno mae thabusigna mae sitei igne, mana la lehehi. Kaisei mana ngala te au teu na, eghume mae mama na thofno magnahagheni fara mana eghu.’