Jenesis 43:7 - Buka Blahi Ka Cheke Holo

⁷ Mare ne cheke eghu ka mana, “Mae igne thoghei e ghusnadi vikemi ghehati re. Mana ghusna eghu ka ghehati, ‘Mae kmami ghotilo na karhau ba la lehehi? Ghotilo au keha tahimi ka namono na ba theo?’ Ghehati khogla cheke tughudi kolho u faghusna te edi mana ka ghehati igre. Ghehati neke theome laseni na eghunu toreni mana mae tahimi gne mala hata tei jare Ijep teku na.”

Jenesis 43:7 ပူးပေါင်းရင်းမြစ်များ

Jenesis 43:3

Nu mae Juda ne cheke eghu ka mae kmadi na, “Mama, ghehati la cheke hi ka iagho. Mae funei biꞌo gna Ijep na neke thono cheke faheta fara ka ghehati. Mana neke cheke eghu ka ghehati, ‘Hata mei balumi mae tahimi na agne. Te theo ghotilo na, iara theome magnahagheidi te filodi tathami ghotilo are agne.’

Jenesis 43:27

Mae Josep ne cheke eghu ka mare, “Nehau ngau ghotilo ia? Nehau ngau mae khuekuꞌe teke chekeni ghotilo ka iara tifa ia? Mana na keliu ngala?”

Jenesis 42:13

Hatimare ne cheke eghu ka mana, “Mae funei, theo. Ghehati gne neke nabotho phei mae thabusigna neke karha ka kaisei mae kmami kolho ka kantri Kenan. Mae teke karha leghu lahu ka ghehati na mana gognaro na au balugna mae kmami ghehati na. Eghuteuna kaisei mae thabusimi ghehati na la tei la dofinihi tifa.”

Jenesis 43:6

Mae Jekop, mae ihei te kiloni la Israel gne ne cheke eghu, “Mala unha neku neke chekeni nga ghotilo ka mana te au teu mae tahimi na agne na? Ghotilo gne fakabruni fara nagnafagu iara na.”

Jenesis 44:19

Kani teke mei ghehati agne tifa ia, iagho neke ghusna eghu ka ghehati, ‘Ghotilo au mae kmami ba tahimi eghu, ba theo?’

Jenesis 42:11

Ghehati gne kafe thugna kaisei mae kolho. Ghehati gne theome mae fasigho. Theo. Ghehati gne thofno cheke kate tutuani fara.”