Jenesis 43:6 - Buka Blahi Ka Cheke Holo

⁶ Mae Jekop, mae ihei te kiloni la Israel gne ne cheke eghu, “Mala unha neku neke chekeni nga ghotilo ka mana te au teu mae tahimi na agne na? Ghotilo gne fakabruni fara nagnafagu iara na.”

Jenesis 43:6 ပူးပေါင်းရင်းမြစ်များ

Jenesis 43:5

Nu jame te theome magnahagheni iagho na, ghehati ginauna na theome tangomana te tei na eghu, naugna mae funei biꞌo gna Ijep na neke chekenihi ka ghehati, mana ginauna theome magnahaghei te filo ghami ghehati jare Ijep na, eghu jame te theome tei mae Benjamin balumi ghehati na.”

Jenesis 43:7

Mare ne cheke eghu ka mana, “Mae igne thoghei e ghusnadi vikemi ghehati re. Mana ghusna eghu ka ghehati, ‘Mae kmami ghotilo na karhau ba la lehehi? Ghotilo au keha tahimi ka namono na ba theo?’ Ghehati khogla cheke tughudi kolho u faghusna te edi mana ka ghehati igre. Ghehati neke theome laseni na eghunu toreni mana mae tahimi gne mala hata tei jare Ijep teku na.”

Eksodas 14:11

Naiknore ne jaola ne cheke eghu ka mae Moses, “Iagho mala atha mei ghami ghehati agne mala lehe ka namono nagou igne neku sia? Ba, la ikohila si beku Ijep ia? Jame te keli na ghehati jame au neku kolho Ijep mala lehe kolho jare.