Jenesis 43:23 - Buka Blahi Ka Cheke Holo

²³ Nu mae gloku igne ne nomhidi nodi cheke mare igre ne cheke eghu, “Keliu ngala. Thosei mhaghu jame nomi God ghotilo na nei nodi God mae kmami ghotilo ra eghu ngala teke lilisei sileni tuare ka nomi duku ghotilo re. Nu sileni teke foli gano ghotilo ra la hatahi iara.” Aonu mae gloku igne ne tei ne hata mei mae Simion na ka mare.

Jenesis 43:23 ပူးပေါင်းရင်းမြစ်များ

Jenesis 42:24

Kate nomhidi mana nodi cheke mae igre na, mana ne jifla ne tei delei ne tanhi poru. Ke leghugna te tanhi te gnafa na, mae Josep neke pulo mei neke cheke ka mare. Eghuteuna mana ne cheke ka nogna mae glokure ne lokini mae Simion ne haru khamegna mana re ke uludi mare.

Jone 20:26

Kaisei wik ke leghugna igne, mae fanomhore kafe au neu ka suga na, eghuteuna mae Tomas au neu baludi mare. Mare ne famane bibilakhi neu grengatha na, eghuteuna mae Jisas mei ne kegra farihoteidi mare ne cheke eghu, “Pharikeli na au ka ghotilo!”

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Jone 20:21

Mae Jisas neke fapea cheke eghui ka mare, “Pharikeli na au ka ghotilo! Mae Mama neke kuru mei ghau iara, eghuteuna gognarona iara nake kuru fajifla ghami ghotilo ka naiknogna nauthoglu igne.”

Jone 20:19

Kau grafi Sade, mae fanomhore kafe au neu ka suga na. Mare ne kafe bibilakhi famaku grengathare, naugna mare ne mhaghudi mae biꞌodi hatimare mae Jiu. Eghuteuna, kau vido tuana mae Jisas mei ne kegra farihoteidi mare. Mana ne cheke eghu ka mare, “Pharikeli na au ka ghotilo!”

Luku 24:36

Kate toutonuni phiamare igne, mae Jisas ne megei nga ne kegra neu fari hoteidi mare ne cheke eghu, “Pharikeli na au ka ghotilo.”

Luku 10:5

“Kate posa ghotilo ka kaisei namono te ruma ka suga na, ghotilo kulu cheke eghu, ‘Pharikeli na au balumi ghotilo ka suga igne.’

Jenesis 42:28

Mana ne eha eghu fabiꞌo ka keha mae thabusigna re, “Filo si ghotilo. Mare ke la lilisei fapulo ka nogu duku iara gne sileni teke foli wit iara ra.” Mare nomhini cheke mana igne ne mhaghu nodi fara ne cheke eghu fari thedi, “Naugna unha si God te eni ka tahati glepo ignea?”

Esra 4:17

King riso tughuni letas igne ne cheke eghu: “Letas igne tei ka gavana Rehum, ghe mae Simsae sekretri gna provins, nei iheire te loku balumi ghopa Samaria ra nei ka keha namono ka provins te au ke mosu Khoꞌu biꞌo Iufretis ra. Iara King Atasekses, iara kubae ghami ghotilo.

Ululahu Kronikols 12:18

Eghuteuna tharunga gna God na ne mei ka mae Amasae mae ihei te lida ka tolufulu soldia te nheta igre ne eha eghu fabiꞌo, “Devet, thugna mae Jesi! Ghehati nou iagho gognaro na! Iagho ginauna tangomana nate uludi magra re. Iara toreni God mala tusu ranghi nigho iagho nei iheire te au balumu nogna nolaghi nei pharikeli.” Aonu mae Devet ne kelitagna fara ka mare, eghuteuna mana ne vahidi mare mala batudi tothoghei soldia teke tei blau glepo ka nodi namono mae naoka re.

Ululahu Samuel 25:6

Mae Devet neke cheke ka mare mala cheke eghu ka mae Nabal, “Mae Devet magnahaghei nigho iagho nei vikemu teu iaghore mala au fakeli, eghuteuna mana jaola magnahaghedi nou gobigna lepo iaghore mala keli fara. “ Eghuteuna mae Devet jaola ne cheke ka mare mala cheke eghu ka mae Nabal,

Jajis 19:20

Aonu mae khuekuꞌe igne ne cheke eghu, “Thosei nanga nomi. Ari ka suga. Iara ginauna reireghi ghami ghotilo, nu ghotilo thosei thuru agne.”

Jajis 6:23

Nu Lord ne cheke eghu ka mana, “Thosei mhaghu! Iagho theome tangomana te lehe na.”

Jenesis 43:14

Iara toreni God mae ihei te nolaghi fara na mala toghoni gaoghathogna mae funei igne mala kokhoni ghami ghotilo. Iara toreni God mala snakredi mae Simion ghe mae Benjamin gre mala ke pulo mei balumi ghotilo. Nu jame teke gaoghathogna God teke mala hata fadeleidi mae thugu iara gre teku na, mare na hata fadeleidi ka iara.”

Jenesis 42:36

Mae kmadi na ne cheke eghu ka mare, “Ka puhimi ghotilo la dofidi iara phei mae thugu ra. Ulu lahu na mae Josep, eghuteuna ke leghu na mae Simion. Eghuteuna gognaro na ghotilo ke jaola ke magnahagheni mae Benjamin teke mala tei au fadelei ka iara na. Gobigna lepo igre fakokhoana ghau iara.”

Jenesis 43:22

Ghehati jaola hata keha sileni la ngau eghu balumi mala foli keha gano. Ghehati theome laseni mae ihei teke lilisei dire sileni tura ka nomi duku ghehati re.”

Ululahu Kronikols 12:19

Kani teke loku fodu mae Devet baludi mae king di Filistia te mala tei magra ka King Sol tifa na, keha mae ka vikegna mae Manase igre magnahaghei te mei mala loku fodu ka mana. Nu king di Filistia igre ne mhaghu nodi, glahu chaghidi mae Devet na lisa laodi ka khamegna King Sol, aonu mare ne kuru fapuloni mana ka namono Siklag, mala theome eni mana kaisei glepo te mala toghodi mare na.