Jenesis 43:22 - Buka Blahi Ka Cheke Holo

²² Ghehati jaola hata keha sileni la ngau eghu balumi mala foli keha gano. Ghehati theome laseni mae ihei teke lilisei dire sileni tura ka nomi duku ghehati re.”

Jenesis 43:22 ပူးပေါင်းရင်းမြစ်များ

Jenesis 42:27

Kate tei te bongi na mare ne horo grorofe ne thuru. Eghuteuna kaisei mae ka hatimare mae thabusigna igre ne tothora nogna duku na mala hata keha gano malagna nogna dongki na. Mana ne filoni nogna sileni thegna na ka foflogna nogna duku na.

Jenesis 43:12

Sileni nate hata ghotilo gognaro na, na jateula te phei fata eghu thutagna na ke tulaognai teke hata teke tei ghotilo ka thei ulu lahu ia. Eghuteuna ghotilo na jaola ke hata fapulo sileni teke lilisei mare ka nomi duku ghotilo ra eghu. Glahula me keha najafra kolho mare neke lilisei ka nomi duku ghotilo ra.

Jenesis 43:21

Kate jifla ghehati agne teke pulo ka namono na, ghehati ne tei ne bongi ka kaisei vido ne ei suga ne thuru jare. Kate sopagna tothora ghehati nomi duku re ghehati neke filodi sileni teke mei foli wit ghehati agne re neke au neu ka foflodi nomi duku ghehati re. Eghume gognaro na ghehati kela hata pulo mei balumi sileni tura.

Jenesis 43:23

Nu mae gloku igne ne nomhidi nodi cheke mare igre ne cheke eghu, “Keliu ngala. Thosei mhaghu jame nomi God ghotilo na nei nodi God mae kmami ghotilo ra eghu ngala teke lilisei sileni tuare ka nomi duku ghotilo re. Nu sileni teke foli gano ghotilo ra la hatahi iara.” Aonu mae gloku igne ne tei ne hata mei mae Simion na ka mare.