Jenesis 43:19 - Buka Blahi Ka Cheke Holo

¹⁹ Aonu mare ne filoni nogna mae gloku mae Josep te mala reireghigna nogna suga mana na kegra neu jare rhegna grengatha na, mare tei ne cheke eghu ka mana,

Jenesis 43:19 ပူးပေါင်းရင်းမြစ်များ

Jenesis 43:18

Kate hatadi te tei ka sugagna mae Josep na, mare ne mhaghu nodi fara ne cheke eghu fari thedi, “Tore, mae igne hata mei ghita tahati agne, naugna eidi sileni teke lilisei ka noda duku tahati ra ka thei ulu lahu ia. Jame igne u ngala gaoghathogna te hata mei ghita mana ka suga igne. Mae igre ginauna na hata mei ghita tahati agne mala nodi mae gloku kolho mare. Eghuteuna mare ginauna na jaola hata noda dongki tahati gre eghu.”

Jenesis 43:20

“Mae biꞌo, fanomho sagho ka ghehati. Kaisei fata ghehati neke mei agne mala foli wit neku.

Jenesis 15:2

Nu mae Ebram ne cheke eghu, “Lord God, unha glepo te keli gne nate tusu mei iagho ranghi ghau iara na? Glepo mala nogu iara teku iagho gre na theo ihei nga teke khotodire naugna iara gne theo kaisei thugu! Kate lehe iara ginauna mae Eliesa gna Damaskas ihei te loku ka suga gu iara gne ngala nate ke khotodi glepo teke khotodi iara re.”

Jenesis 42:20

Hata mae tahimi na ke pulo mei ka iara, iara ginauna na fatutuanidi nomi cheke ghotilo ra. Te eni ghotilo igne na ghotilo ginauna na theome lehe.” Aonu mare ne keli tadi ka cheke te edi mae Josep igre ne tarabana mala ke pulo ka namono.

Jenesis 43:16

Aonu kate filoni mae Benjamin gne baludi mare na, mae Josep ne cheke eghu ka mae gloku te mala reireghigna nogna suga na, “Iagho hata mae igre mala tei ka nogu suga iara gno. Eghuteuna falelehe kaisei buluka mala kuki. Mae igre mala ima balugu iara naublatha ginau.”

Jenesis 44:1

Kate ima te gnafa mare na, mae Josep ne cheke eghu ranghini nogna mae gloku te mala reireghi gna nogna suga na, “Fa fofodu nodi duku mae te ima balugu iara igre ka wit naba te mala hata teke pulo mare na. Eghuteuna ke hohono fapulo nodi sileni are ka soasopaigna nodi dukure.

Matiu 20:8

“Rafi soru, mae khoto nagare na ne cheke eghu ka mae te reireghidi mae gloku re, ‘Eha meidi mae gloku ra, mala folidi nodi tabare. Iagho na fufunu folidi mae teke tei loku leghu lahu ra tei gnafa ka mae teke kulu tei loku ra.’

Luku 16:1

Mae Jisas jaola ne cheke eghu ka nogna mae fanomhore, “Kaisei mae dedei, mana au kaisei mae mala reireghidi nogna glokure. Mare mei ne fathoethoke ka mae te dedei na, naugna nogna mae funei gloku mana na ne fadidiꞌa la nogna sileni mana re.