Jenesis 42:6 - Buka Blahi Ka Cheke Holo

⁶ Ka narane tuana mae Josep gne mana kaisei mae gavana biꞌo gna Ijep, eghuteuna naikno te gnafa te au heva te heva na mare tei ka mana mala foli wit. Aonu mae thabusigna mana re ne tei ka mana ne pogho soru pari ke ulugna mae Josep.

Jenesis 42:6 ပူးပေါင်းရင်းမြစ်များ

Thakle 3:9

Filo si ghotilo! Nogna tothoghei mae Satan te kilodi thedi naiknodi Jiu teu are theome thofno nogu naikno iara. Mare chaichaghi kolho. Uve, iara ginauna huhurudi mare mala mei pogho soru ke ulumi ghotilo, eghuteuna mare na cheke eghu, ‘Tutuani, God thofno namha ghami ghotilo!’

Mae Khuru 7:10

nei fakarhini ka puhi biꞌo te gnafa teke edi mana re. God jaola neke tusu ranghini glalase te keli mala tangomana mae King Fero te magnahagheni mana na. Eghuteuna mae King Fero neke vahini mana mala mae gavana gna Ijep, nei mala reireghidi la naikno te gnafa ke lamnagna nogna suga biꞌo na.

Jenesis 45:26

Kate posa mare ka namono na, mare ne cheke eghu ka mae kmadi na, “Mama, mae Josep ne lelehi teku ia mana karhau ngala, mana theome lehe. Gognaro na mana ngala te funei ka vido te gnafa ka kantri Ijep na.” Mae Jekop nomhidi cheke igre ne rhana nogna fara ne tirogna fatutuani di nodi cheke mare igre.

Jenesis 45:8

“Eghume theome ghotilo teke kuru mei ghau iara ka namono igne na, nu God teke kuru mei ghau iara na. God neke vahi ghau iara mala nogna mae ofisa biꞌo lahu mae king gna Ijep. Iara mae mala reireghidi naikno te gnafa te au ka sugagna mana na igre, nei mae funei di vido te gnafa ka kantri Ijep.

Jenesis 44:14

Kate pulo mei mae Juda baludi mae tahigna re ka sugagna mae Josep na, mae Josep au neu ngala jare. Mare mhaghu nodi fara ne pogho soru pari ke ulugna mae Josep.

Jenesis 19:1

Kaisei grafi, kate gnokro teu mae Lot ka grengathagna namono biꞌo Sodom, mana ne filodi phei engel teke tei balugna Lord teke filoni mae Ebraham ra ne mei ka mana. Mae Lot kegra haghe ne tei ne pogho soru pari ke uludi phia mare.

Jenesis 18:2

Mana ne filodi thilo mae te kegra teu ka namono na. Kate filodi thilo mae igre, mana ghosei ne kegra haghe ne tei ka thilo mare. Mana lao ne pogho soru pari ke uludi thilo mare.

Jenesis 33:3

Mana thegna te tei ulu lahu ka jajagha na, eghuteuna kate tei te namo mana ka mae tighagna na, mana ne fitu fata pogho soru pari ka glose na ke ulugna mae Iso.

Jenesis 41:43

Mana ne snakreni mae Josep mala saghe ka nogna fapea chariot mae king na. Mae gloku te tei ke ulugna mana re mare ne eha eghu ka mavitu te mei ke ulugna chariot na, “Igne tela mei nomi mae funei ghotilo na, fasnagla nabrou gne.” Ka puhi igne mae king ne vahini mae Josep ne kaisei mae funei biꞌo gna Ijep.

Jenesis 48:12

Eghuteuna mae Josep ne hata fadelei phei mae thugna re ka ghahegna mae kmagna na ne pogho soru pari.

Ululahu Samuel 20:41

Ke leghugna tela teihi mae sitei na, mae Devet jifla mei ka thina teke poru mana na ne mei ke ulugna mae Jonatan ne tuturupuku soru, mana ne thilo fata tufru soru pari ka glose na. Aonu phiamare ne faꞌababa ne orio tanhi, nu mae Devet ne tanhi nogna fara.

Proveb 11:26

Ihei te theome snakredi gano te magnahaghei foli teu naiknore, mare ginauna cheke fadiꞌani mana. Nu te snakreni mana te foli naiknore, mare ginauna gleale'a fara ka mana.

Profet Isaia 60:14

Thudi iheire teke para ghami fara ghotilo ra ginauna mei fafnakno ghami ghotilo, eghuteuna mare ginauna mei pogho soru pari ke ulumi ghotilo. Iheire teke filo fapari ghami ghotilo tifa ra ginauna mei tuturupuku ke ulumi ghotilo. Eghuteuna naiknore ginauna cheke eghu, ‘Tutuani fara, mare ginauna kiloni namono biꞌo Saion igne nogna namono Lord mae ihei te blahi fara, nodi God mae Israel.’

Jenesis 41:54

keha fitu finogha te rofo ra ne thoke mei jateula teke chekeni mae Josep ia neu. Rofo igne ne jaola ne thokedi keha kantri te gnafa te falithui Ijep. Nu gano na ne au jare Ijep.