Jenesis 42:38 - Buka Blahi Ka Cheke Holo

³⁸ Nu mae Jekop ne cheke eghu, “Mae thugu iara Benjamin igne theome tangomana te tei balumi ghotilo na. Theo. Naugna mae thofno tighagna na la lehehi, kaisei mana kolho te au teu balugu iara gognaro na. Te mhaghuni iara na, glahula edi keha glepo te diꞌa fara ka mana ka nabrou te tei ghotilo Ijep ana. Meu la na, iara ginauna na lehe ka diꞌanagnafa, naugna iara la mae khueku'ehi.”

Jenesis 42:38 ပူးပေါင်းရင်းမြစ်များ

Jenesis 37:35

Thugna nalhaꞌu nei thugna gaꞌase teure ne kafe mei fameomegoni mana mala ke keli nagnafa fapulo mana. Mana tirogna fara ne cheke eghu, “Iara gne na tanhini mana fabrahu ngala ghilei tei iara au balugna mana ka namonodi mae tela lehehi ra.” Aonu mae Jekop ne theome gnafa ne tanhini fabrahuni mae Josep.

Jenesis 42:4

Nu mae Jekop ne theome snakreni mae Benjamin te tei baludi mare na. Eigna mae Benjamin gne thofno tahigna mae Josep. Mae Jekop ne nanga nogna fara glahula mei keha mae neneini mana ka nabrou na.

Jenesis 37:33

Mae kmadi na ne filo glani pohe igne ne cheke eghu, “Uve, igne ngala nogna pohe mae thugu iara Josep ia! Kaisei lion la faleheni mana la ghamuni hi mana!”

Jenesis 42:13

Hatimare ne cheke eghu ka mana, “Mae funei, theo. Ghehati gne neke nabotho phei mae thabusigna neke karha ka kaisei mae kmami kolho ka kantri Kenan. Mae teke karha leghu lahu ka ghehati na mana gognaro na au balugna mae kmami ghehati na. Eghuteuna kaisei mae thabusimi ghehati na la tei la dofinihi tifa.”

Profet Isaia 46:4

Uve, iara nomi God ghotilo, eghume, iara ginauna reireghi ghami ghotilo fabrahu ghilei kuekuꞌe nei nufa eghu ghotilo. Iara neke vuavuha ghami ghotilo, eghuteuna iara ginauna reireghi ghami ghotilo. Iara ginauna na jaola togho ghami nei fakarhi ghami eghu ghotilo.

Profet Isaia 38:10

“Fari hotei ka nakarhagu na, iara ginauna tei salaꞌu ka bara gna Beku na. Eghuteuna keha finogha ka nakarhagu iara na jame sokmo kolho.

Eklesiasti 2:26

Leuleghu narane na God tusu lao gaoghatho te keli nei glalase eghu ka iheire te leghuni manare, mala jaola glealeꞌa mare. Nu God tusu lao gaoghatho ka naikno te diꞌa re mala loku heta mala hata kmana glepo te keli nei dedei. Eghuteuna keha narane ke leghu, glepo igre tangomana te tei toghodi naikno te keli re. Puhi igne jaola theo nafugna ka gaoghathogu iara na. Eigna igne jateula mae ihei te ngolho leghu ka nuri na ia eghu kolho.

Eklesiasti 1:14

Iara la filodihi gobigna lepo teke edi ka nauthoglu igne, nu unha te chekeni iara na, gobigna lepo igre theome nanaba ka gaoghathoda tahati re. Tahati jateula te ngolho leghu ka nuri ia eghu kolho.

Nodi Khoje Hatimare Mae Jiu 90:10

Nakarhami ghehati ka nauthoglu igne na thokeni kolho fitu salei finogha, jame te nheta thinimi ghehati gre na, ghehati ginauna thokeni kolho nhana salei finogha na. Neubane eghu ngau, kmana puhi nei diꞌanagnafa eghu thoke ghami ghehati. Uve, theome raugha ngala ghehati glehemi na.

Nodi Khoje Hatimare Mae Jiu 71:18

Gognaro na iara la mae biꞌohi la nufahi khaklagure, God thosei tei koko ghau iara. Au balugu kate chekeni iara nou nolaghi iagho na ka naikno nate karha mei ke leghugu iara re.

Ululahu Kings 2:6

Eghume, iagho parani mana leghuni unha te ghathoni iagho na. Eghuteuna iagho thosei snakreni mana mala lehe ka pharikeli.

Jenesis 44:20

Eghuteuna ghehati neke cheke eghu, ‘Uve, ghehati au kmami la khueku'ehi. Ghehati jaola au mae tahimi te iko lahu na eghu. Mana neke karha ka ido ka tela kueku'ehi mae mama na. Idomi ghehati igne neke au phei thugna nalhaꞌu, eghuteuna thofno mae thabusigna mae sitei igne, mana la lehehi. Kaisei mana ngala te au teu na, eghume mae mama na thofno magnahagheni fara mana eghu.’

Jenesis 37:34

Mae Jekop ne tanhini mae thugna na ne rerheku nogna pohe na, eghuteuna mana ne hata kaisei nabreku pohe te tiatifa ne pipichi, igne fagaglana gna te diꞌanagnafani mae thugna na. Kmana narane mana ne tanhi ni mae thugna na.

Jenesis 42:37

Aonu mae Ruben ne cheke eghu ka mae kmagna na, “Uve, mama, fanomho sagho ka iara. Te theome ke hata fapulo iara mae Benjamin gne ka iagho na, te chekeni iara ka iagho na, iagho ginauna falelehe phei mae thugu iara igre eghu. Snakreni sagho mae Benjamin gne ka iara, iara ginauna na reireghi fakelini mana ghilei ke hata fapuloni mana ka iagho agne.”

Jenesis 43:13

Ghotilo hata mae Benjamin gne tei balumi mala ghosei ke pulo ka mae funei na.

Jenesis 44:22

Eghuteuna ghehati neke cheke eghu ka iagho, ‘Mae sitei igne theome tangomana te tei kokoni mae mama na. Jame tei kokoni mana mae mama na, mae mama ginauna na lehe.’

Thoutonu Eigna Mae Job 41:32

Eghuteuna kate tugha te tei ka thongna na, kmana galo haghe ke leghugna, jateula kaisei vaka te umhu te tei ka thongna ra eghu.