Jenesis 42:37 - Buka Blahi Ka Cheke Holo

³⁷ Aonu mae Ruben ne cheke eghu ka mae kmagna na, “Uve, mama, fanomho sagho ka iara. Te theome ke hata fapulo iara mae Benjamin gne ka iagho na, te chekeni iara ka iagho na, iagho ginauna falelehe phei mae thugu iara igre eghu. Snakreni sagho mae Benjamin gne ka iara, iara ginauna na reireghi fakelini mana ghilei ke hata fapuloni mana ka iagho agne.”

Jenesis 42:37 ပူးပေါင်းရင်းမြစ်များ

Profet Maeka 6:7

Jame tusu lao kmana thogha sipu tahati ka mana. Ba? Mana ginauna tangomana te glealeꞌa na? Ba jame atha mei kmana oliv oel tahati ka mana. Ba? Mana ginauna tangomana te glealeꞌa na? Jame aknu falehe tahati thuda teke kulu karha re mala tusu lao ka mana. Ba? Fafara tuana tangomana te folidi nakhiboda tahati re? Thono theo fara!

Jenesis 46:9

Nanghadi thugna mae Ruben teke tei balugnare neke mae Hanok nei mae Palu nei mae Hesron nei mae Kami.

Jenesis 43:9

Te chekeni iara ka iagho na, iara thegu ngala nate reireghini mana na. Jame te theome hata fapuloni iara mae Benjamin gne ka iagho na, iara eni hila kaisei najafra biꞌo ranghi nigho iagho, eghuteuna najafra igne ginauna na au fabrahu ka iara tifa e tifa.

Jenesis 42:36

Mae kmadi na ne cheke eghu ka mare, “Ka puhimi ghotilo la dofidi iara phei mae thugu ra. Ulu lahu na mae Josep, eghuteuna ke leghu na mae Simion. Eghuteuna gognaro na ghotilo ke jaola ke magnahagheni mae Benjamin teke mala tei au fadelei ka iara na. Gobigna lepo igre fakokhoana ghau iara.”

Jenesis 42:38

Nu mae Jekop ne cheke eghu, “Mae thugu iara Benjamin igne theome tangomana te tei balumi ghotilo na. Theo. Naugna mae thofno tighagna na la lehehi, kaisei mana kolho te au teu balugu iara gognaro na. Te mhaghuni iara na, glahula edi keha glepo te diꞌa fara ka mana ka nabrou te tei ghotilo Ijep ana. Meu la na, iara ginauna na lehe ka diꞌanagnafa, naugna iara la mae khueku'ehi.”