Jenesis 42:24 - Buka Blahi Ka Cheke Holo

²⁴ Kate nomhidi mana nodi cheke mae igre na, mana ne jifla ne tei delei ne tanhi poru. Ke leghugna te tanhi te gnafa na, mae Josep neke pulo mei neke cheke ka mare. Eghuteuna mana ne cheke ka nogna mae glokure ne lokini mae Simion ne haru khamegna mana re ke uludi mare.

Jenesis 42:24 ပူးပေါင်းရင်းမြစ်များ

Jenesis 43:30

Mae Josep ne diꞌanagnafa fara ka mae tahigna na ne namo tanhi fabiꞌo, aonu mana ghosei ne jifla kokodi mare ne tei ka nogna chogho na ne tanhi poru neu jare.

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Ululahu Korin 12:26

Jame kaisei vido au papara, keha vidore na jaola au papara. Ba jame kaisei vido ka thinida na fnakno, keha vidore na mala jaola gleale'a.

Letas Teke Riso Tei Mae Pol Ka Khiloau Rom 12:15

Ghotilo mala gleale'a baludi iheire te gleale'a, eghuteuna mala tanhi baludi iheire te tanhi.

Luku 19:41

Kate mei namo te filo laoni Jerusalem, mae Jisas ne kokhoni nognadi naiknogna namono tuana ne tanhi.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Jenesis 43:23

Nu mae gloku igne ne nomhidi nodi cheke mare igre ne cheke eghu, “Keliu ngala. Thosei mhaghu jame nomi God ghotilo na nei nodi God mae kmami ghotilo ra eghu ngala teke lilisei sileni tuare ka nomi duku ghotilo re. Nu sileni teke foli gano ghotilo ra la hatahi iara.” Aonu mae gloku igne ne tei ne hata mei mae Simion na ka mare.

Jenesis 43:14

Iara toreni God mae ihei te nolaghi fara na mala toghoni gaoghathogna mae funei igne mala kokhoni ghami ghotilo. Iara toreni God mala snakredi mae Simion ghe mae Benjamin gre mala ke pulo mei balumi ghotilo. Nu jame teke gaoghathogna God teke mala hata fadeleidi mae thugu iara gre teku na, mare na hata fadeleidi ka iara.”

Jenesis 34:25

Thilo narane ke leghugna teke vahe mae nalhaꞌu gre te kabru teu mare na. Phei thugna mae Jekop, nanghadire mae Simion ghe mae Livae, phei mae te thofno greghagna Daina igre hata naflahi ne megei nga ne tei ka namono na. Kate iho teu naiknore ne aknu falehe ne gnafa mae nalhaꞌu gna namono tuana.

Jenesis 42:23

Mae igre theome laseni mae Josep te nomhidi unha te chekedi mare re, naugna mae Josep gne laseni cheke Hibru na. Neuba mae Josep ne hata kaisei mae mala tuthughu cheke ka cheke Hibru, nu mana theome thofno magnahagheni mae igne na.

Jenesis 45:1

Kate haimini mae Josep te rogna tanhi fara na, mana ne cheke eghu ka nogna mae gloku re, “Ghotilo ke jifla ghu kosi!” Ka vido tuana mana thegna kolho te au teu baludi mae thabusignare.

Jenesis 45:2

Mae Josep ne tanhi fa biꞌo fara, eghuteuna naiknodi Ijep teke au fanamo teku jare na ne nomhi ni te tanhi mana na. Eghuteuna mare ne tei ne toutonu ka naikno te au ka sugagna mae king na eigna igne.