Jenesis 42:22 - Buka Blahi Ka Cheke Holo

²² Mae Ruben ne cheke eghu ka mare, “Iara neke chekehi ka ghotilo mala thosei faleheni mana neku, nu ghotilo neke tiromi fanomhidi chekegu iara ra. Eghume gognaro na tahati ke papara eidi unha teke edi tahati ranghini mae igne ra eghu.”

Jenesis 42:22 ပူးပေါင်းရင်းမြစ်များ

Nodi Khoje Hatimare Mae Jiu 9:12

God na kokhonidi iheire te au papara. Mana theome ghatho ihodi nodi tharaire. Eghuteuna ke tughu fapulo naꞌau papara na ka iheire teke paradi naikno te au diꞌanagnafa re.

Fapea Kronikols 24:22

King Joas neke theome ghathodi famane puhigna Jehoada kmagna Pris Sekaraea na, nu mana faleheni thugna mana na. Eghuteuna kate namo lehe na, Pris Sekaraea ne cheke eghu, “Iara toreni Lord mala filodi glepo te edi ghotilo gognaro igre, eghuteuna God ginauna para ghami ghotilo.” Aonu mana ne lehe.

Ululahu Kings 2:32

Lord ginauna nake tughu fapulo ka mae Joab dadaradi phia mae tura, naugna mae kmagu iara na theome laseni mae Joab te aknu falehedi mae Abna, thugna mae Neri mae komanda ka armi gna Israel, ghe mae Amasa, thugna mae Jeta mae komanda ka armi gna Juda. Phia mae igre thofno keli fara nei doglo eghu uluni mae Joab.

Thakle 16:9

Neubane thunu ngau, naiknore heta ghedi te cheke faparini nanghagna God mae ihei te au nolaghi frunidi papara biꞌo igre. Nu naiknore ne tirodi tughu nagnafa nei tirodi pala hagheni neu nanghagna God na.

Thakle 13:10

Jame ihei teke snakreni God te mala tei ka suga sosolo na, tutuani mana ginauna mala au ka suga sosolo. Jame ihei teke snakreni God te mala lehe ka naflahi na, tutuani mana ginauna mala lehe ka naflahi. Eghume, te thoke mei puhi igre ka ghotilo na, ghotilo nogna naikno God ra mala kegra heta, nei mala fatutuani heta eghu ka God.”

Letas Teke Riso Tei Mae Pol Ka Khiloau Rom 2:15

Tutuani, mare tathakle kaisei vetula na au ka nagnafadire, eigna mare laseni unha te doglo na nei unha te jafra na, jateula te chekeni ka vetula na ia eghu. Eghuteuna mare jaola tathakle igne ka puhi te haimini mare eigna te doglo nei jafra. Keha fata gaoghathodire cheke ranghidi najafra te eni mare na. Eghuteuna keha fata gaoghathodire cheke ranghidi te doglo te eni mare na.

Mae Khuru 28:4

Kate filoni phanaga te piri ghuali ka khamegna mae Pol na, naiknogna moumolu na ne cheke eghu fari thedi, “Tore! Mae igne jame kaisei mae mala faghoreho naikno signe! Neubane ne rikha ngau mana ka nhorora na ne karha ne mei thoke agne, nu god mae te kiloi ‘Foli Fapulo’ na theome snakreni mana te karha na.”

Luku 23:41

Tapa nabada te mala lehe na. Lehe tughudi unha puhi te diꞌa teke edi theda tifa ra. Nu mae igne theo kaisei nakhibogna.”

Profet Esikiel 3:18

Jame cheke eghu iara kaisei mae te diꞌa ginauna lehe, nu theome toghoni iagho mae igne te mala tuthughu puhigna mana te diꞌa na te mala fakarhini mana, mae igne ginauna lehe ka nakhibo. Nu iara ginauna para nigho iagho eigna glehegna mae igne.

Jenesis 4:10

Aonu Lord ne cheke eghu ka mae Kein, “Thono diꞌa fara unha te eni iagho ranghini mae tahimu na. Filo sagho! Dadara gna mae tahimu iagho na la tanhi hi ka iara te mala foli fapuloni unha najafra teke eni iagho na.

Jenesis 42:23

Mae igre theome laseni mae Josep te nomhidi unha te chekedi mare re, naugna mae Josep gne laseni cheke Hibru na. Neuba mae Josep ne hata kaisei mae mala tuthughu cheke ka cheke Hibru, nu mana theome thofno magnahagheni mae igne na.

Jenesis 45:3

Mae Josep ne cheke eghu, “Iara mae Josep. Ba, mae kmagu iara na karhau ngau?” Nu hatimare mae thabusigna mana re ne mhaghu nodi fara ne theome tangomana te eni kaisei cheke na.

Jenesis 50:15

Kate filoni te lehehi mae kmadi na, hatimare mae thabusigna mana re ne cheke eghu, “Unha eghu jame te diꞌatagna fabrahui teu mae Josep ka tahati na? Eigna tahati gne neke edi kmana najafra ranghini mana. Unha eghu jame teke foli fapulo mana najafra tura ka tahati na?”

Ululahu Samuel 19:4

Aonu ka keha narane na, mae Jonatan ne toutonu ka mae kmagna na gobigna lepo te keli teke edi mae Devet re. Mana ne cheke eghu, “Theome keli iagho king te eni kaisei glepo te diꞌa ranghini nou mae gloku Devet. Eigna mana theome eni kaisei glepo te diꞌa ranghi nigho iagho. Unha te edi manare togho nigho iagho fara.

Ululahu Kings 2:33

Mae Joab nei vikegna teu mana ra nabadi te au papara eidi dadaradi mae Abna ghe mae Amasa ra. Nu ghehati vikegna mae Devet te gnokro ka sapegna king igre, Lord ginauna togho ghami ghehati mala au fabrahu ka pharikeli.”