Jenesis 42:2 - Buka Blahi Ka Cheke Holo

² Cheke te nomhini iara na jare Ijep na au ganou. Tei si ghotilo mala foli keha gheda gano jare, na eghunu lehe tahati ka rofo eghu.”

Jenesis 42:2 ပူးပေါင်းရင်းမြစ်များ

Jenesis 43:8

Mae Juda ne cheke eghu ka mae kmadi na, “Iagho snakreni mae Benjamin gne mala tei balumi ghehati. Teuna iagho nei thumi ghehati gre nei ghehati la ngau teu na ginauna na theome lehe ka rofo.

Matiu 4:4

Jisas ne cheke eghu ka mae Satan, “Grioriso te blahi ia cheke eghu, ‘Naikno na theome karha ka gano kolho, nu karha ka cheke te gnafa te jifla mei ka God.’ ”

Profet Isaia 38:1

Theome raugha ke leghugna igne, armi gna Asiria haghe ne snura Juda. Ka narane igre King Hesekaea ne fogra fara, ne ghilei namo lehe. Aonu mae profet Isaia thugna mae Emos tei ne cheke eghu ka mana, “Igne nogna cheke Lord na: Te keli na iagho fadoglini puhimu na, eigna iagho ginauna lehe, eghuteuna iagho ginauna theome tangomana na teke keli fapulo na.”

Nodi Khoje Hatimare Mae Jiu 118:17

Iara ginauna na theome lehe, iara na karhau mala toutonudi unha teke edi Lord re.

Jenesis 45:9

Gognaro na ghotilo faghose ke pulo ka mama mala cheke eghu ka mana, ‘Iara mae Josep iara mae thumu iagho, igne unha te chekeni iara ka iagho na. God neke fakegra funei ghau iara agne ka kantri Ijep. Eghume, iagho thosei ofo, faghosei mei ka iara agne.

Jenesis 43:4

Jame te snakreni iagho mae tahimi ghehati Benjamin gne te tei balumi ghehati na, ghehati ginauna na tei mala foli gheu gano iagho.

Jenesis 43:2

Eghuteuna kate ghamu tela gnafahi gano teke tei teke hata mare Ijep ra, mae Jekop ne cheke eghu ka mae thugna re, “Ghotilo nake pulo Ijep mala ke foli gheda gano.”

Mae Khuru 7:12

Kate nomhini mae Jekop te au gano teu jare Ijep na, mana neke phei fata kurudi mae kuꞌeda re neke tei hata gano jare. Ka fapea fata tei mare na, mae Josep ne falalaseni thegna te thofno mae thabusidi mare na. Eghuteuna ka vido tuana, mae king gna Ijep na jaola ne nomhini eigna vikegna mae Josep na.

Jenesis 42:3

Aonu nabotho thabusigna mae Josep ra jifla jare Kenan ne tei Ijep mala foli wit.

Nodi Khoje Hatimare Mae Jiu 33:18

Nu Lord na reireghidi iheire te ghatho tahuni nei rouronuni teu nogna namha biꞌo mana na.

Nodi Khoje Hatimare Mae Jiu 33:19

Mana reireghidi ka glehe nei ka glehe rofo.