Jenesis 42:15 - Buka Blahi Ka Cheke Holo

¹⁵ Nu iara na fariuriu ghami ghotilo mala laseni te cheke tutuani ghotilo na. Iara na thofno cheke ka nanghagna mae king gna Ijep. Te theome mei kegra ghotilo ke ulugu iara agne mae teke karha leghu lahu ka ghotilo na, ghotilo ginauna nake theome pulo ka namonomi na.

Jenesis 42:15 ပူးပေါင်းရင်းမြစ်များ

Ululahu Samuel 17:55

Kate filoni mae Sol te tei magra mae Devet te faleheni mae Golia igne, mana ne ghusna ka mae Abna, mae komanda gna nogna armi na, “Abna, thugna mae ihei si mae majaghani ignea?” Mae Abna ne cheke eghu, “Iara cheke kate tutuani fara, iara theome laseni.”

Jemes 5:12

Kheraguro, kaisei glepo biꞌo te mala laseni ghotilo na igne. Ne nhaꞌa cheke nganu, ghotilo thosei baubahu lao ka kaisei glepo kligna ba pari ba unha langau. Chekeni ngala, “Uve, tutuani fara” ba chekeni ngala, “Theo, theome tutuani.” Te theome eni ghotilo igne na, God ginauna na fate ghami ghotilo.

Profet Jeremaea 5:7

Lord ne cheke eghu ka iheire te au ka namono Jerusalem, “Iara theome tangomana te atha fadelei nakhibomi ghotilore. Naugna ghotilo ne tiromi figri mei ka iara, eghuteuna ghotilo ne leghuni mumuju god te theo kaisei nakarha tagna igne. Neuba iara ne tusu ari gobigna lepo te magnahaghedi ghotilore, nu ghotilo jateula mae te huhughuni puhigna tholaghi na te tei ka sugagna thau vine na ia neu ne theome au balugu iara.

Profet Jeremaea 5:2

Kate eni ghotilo kaisei nhaꞌa cheke na, ghotilo cheke tutuani kligna ka nanghagu iara Lord. Nu ghotilo chaichaghi nei tharuma'ei cheke eghu kolho.”

Ululahu Samuel 20:3

Nu mae Devet ne cheke eghu, “Mae kmamu iagho na lase nigho iagho te namha ghau fara iara na. Mana jame theome falalase ka iagho unha te magnahaghei eni mana na. Naugna mana theome magnahaghei te diꞌa nagnafamu iagho na. Ka nanghagna Lord te karha, iara cheke kate tutuani, iara namo lehehi.”

Ululahu Samuel 1:26

Hana ne cheke eghu ka mana, “Mae biꞌo, iagho filo glani ghau ngau iara ba theo? Iara ngala gaꞌase teke filoni iagho teke kegra teke tarai ka Lord Saelo ia.

Diutronomi 6:13

“Ghotilo mala ghatho tahuni Lord, nomi God, mala loku ranghini kolho mana. Eghuteuna ghotilo nhaꞌa cheke kolho ka nanghagna mana.

Jenesis 43:3

Nu mae Juda ne cheke eghu ka mae kmadi na, “Mama, ghehati la cheke hi ka iagho. Mae funei biꞌo gna Ijep na neke thono cheke faheta fara ka ghehati. Mana neke cheke eghu ka ghehati, ‘Hata mei balumi mae tahimi na agne. Te theo ghotilo na, iara theome magnahagheidi te filodi tathami ghotilo are agne.’

Jenesis 42:34

Eghuteuna ghotilo mala thosei theo te hata te mei balumi ka iara mae thabusimi teke karha leghu lahu na eghu. Te eghu na iara ginauna na lase ghami ghotilo te theome mae mala fasigho na, ghotilo mae mala cheke kate tutuani kolho. Eghuteuna iara ginauna na ke snakre fapuloni ka ghotilo mae tighami ana eghu. Eghuteuna ghotilo ginauna na tangomana te tei tafri falithui ni nogu namono iara gne aheva te magnahaghei te tei ghotilo na.’ ”

Jenesis 42:30

nu kate tei ghehati Ijep na mae funei biꞌo gna Ijep na ne jateula te cheke ka mae te mala fasigho ra neu ne cheke fabiꞌo fara ka ghehati.

Jenesis 42:20

Hata mae tahimi na ke pulo mei ka iara, iara ginauna na fatutuanidi nomi cheke ghotilo ra. Te eni ghotilo igne na ghotilo ginauna na theome lehe.” Aonu mare ne keli tadi ka cheke te edi mae Josep igre ne tarabana mala ke pulo ka namono.

Jenesis 42:16

Kuruni kaisei mae ka ghotilo mala tei hata mei mae teke karha leghu lahu ka ghotilo na. Eghuteuna ghotilo keha mae ra na tei au ka sosolo mala laseni ghehati nomi cheke ghotilo gre te tutuani ba te chaichaghi kolho na. Jame te laseni ghehati te theome tutuani kolho nomi cheke ghotilo re, iara na thofno cheke ka nanghagna mae king gna Ijep te mae fasigho kolho ghotilo na.”

Jenesis 42:12

Nu mae Josep ne cheke eghu ka mare, “Theo. Ghotilo chaichaghi. Ghotilo mei mala laseni vido aheva ka namono mi ghehati gne te theome nheta na eghu kolho.”

Jenesis 42:7

Mae Josep ne filodi mae thabusigna igre ne glanidi mare. Nu mana jateula te theome lasedi mare ra eghu kate cheke ka mare na, ne cheke eghu fabiꞌo ka mare, “Ghotilo neke mei funumi aheva?” Mare ne cheke eghu ka mana, “Ghehati mei funumi ka kantri Kenan. Ghehati magnahaghei mei foli gano.”

Jenesis 42:14

Nu mae Josep ne cheke eghu ka mare, “Iara la chekehi ka ghotilo, ghotilo mae fasigho kolho.

Jenesis 43:5

Nu jame te theome magnahagheni iagho na, ghehati ginauna na theome tangomana te tei na eghu, naugna mae funei biꞌo gna Ijep na neke chekenihi ka ghehati, mana ginauna theome magnahaghei te filo ghami ghehati jare Ijep na, eghu jame te theome tei mae Benjamin balumi ghehati na.”