Jenesis 42:10 - Buka Blahi Ka Cheke Holo

¹⁰ Nu hatimare mae thabusigna mana igre ne cheke eghu, “Theo, mae funei. Ghehati gne mei jateula nou mae gloku iagho eghu kolho, khogla mala mei foli ghemi gano kolho agne.

Jenesis 42:10 ပူးပေါင်းရင်းမြစ်များ

Jenesis 37:8

Hatimare mae thabusigna mana igre ne nomhini igne ne cheke eghu ka mae Josep, “Ba, iagho magnahaghei te kegra haghe te mala kaisei nomi mae king ghehati mala funei fruni ghami ghehati sia!?” Hatimare mae thabusigna mana igre ne thofno diꞌatadi fara ka mae Josep eigna u mifi igne, nei eidi langau unha te chekedi mana re eghu.

Ululahu Kings 18:7

Kate nolo te tei na, mae Obadaea ne thafoni profet Elija. Eghuteuna mae Obadaea ne filo glani ni mana, eghuteuna mae Obadaea pogho soru pari ne ghusna eghu, “Iagho nogu mae funei iara mae Elija ngala sia?”

Ululahu Samuel 26:17

Aonu king Sol ne glani naoglagna mae Devet na ne ghusna eghu, “Devet, thuguo Devet! Naoglamu iagho site nomhini iara ignea?” Eghuteuna mae Devet ne cheke eghu, “Uve, nogu funei nei nogu king. Iara ngala.”

Jenesis 44:9

Jame te filoni iagho kapu na ka mae ihei ka ghehati aro na, iagho tangomana te faleheni mae tuana. Eghuteuna ghehati gre mala nou mae gloku kolho iagho eghu.”

Jenesis 27:37

Mae Isak ne cheke eghu ka mae Iso, “Iara la tusu laohi ka mae Jekop u nolaghi te mala funei fruni nigho iagho na, eghuteuna hatimare mae thabusigna mana gre mala nogna mae gloku mana. Eghuteuna te chekeni iara ka mana na, mana ginauna na au kmana ghegna wit nei waen eghu. Eghume theo hila kaisei glepo te salaꞌui te mala tusu ari iara tamu na eghu sia thuguo.”

Jenesis 27:29

Naikno te gnafa ka namono igre ginauna mala loku ranghi nigho iagho, nei mala ghatho tahu nigho iagho. Iagho ginauna mala nodi funei hatimare mae thabusimu iagho gre. Vikegna idomu iagho gre ginauna mala ghatho tahu nigho iagho. Iheire te tibri nigho iagho re, God ginauna nake tibridi. Eghuteuna iheire te fablahi nigho iagho re, God ginauna nake fablahidi.”

Jenesis 42:11

Ghehati gne kafe thugna kaisei mae kolho. Ghehati gne theome mae fasigho. Theo. Ghehati gne thofno cheke kate tutuani fara.”