Jenesis 41:56 - Buka Blahi Ka Cheke Holo

^56-57 Kate theo gano heva te heva na, mae Josep ne tothora sugadi gano re mala mei foli ghedi naiknore. Eghuteuna keha naikno ka keha vido nauthoglu re ne meila ngau Ijep mala foli gano ka mae Josep, naugna rofo igne la thofno diꞌa fara heva te heva na.

Jenesis 41:56 ပူးပေါင်းရင်းမြစ်များ

Jenesis 42:6

Ka narane tuana mae Josep gne mana kaisei mae gavana biꞌo gna Ijep, eghuteuna naikno te gnafa te au heva te heva na mare tei ka mana mala foli wit. Aonu mae thabusigna mana re ne tei ka mana ne pogho soru pari ke ulugna mae Josep.

Mae Khuru 17:26

Vike te gnafa te au ka nauthoglu thongana igne neke fufunu mei ka kaisei mae ngala eghuteuna God tusu ranghidi soasopaigna nodi vido glose te mala au na ke lamnagna u nauthoglu igne. Mana la kulu lilisei naranedihi te mala karha ba te mala lehe na, ba ka vido glose aheva te mala thuru sorudire.

Luku 21:35

Narane igne ginauna na jateula kaisei phighoro te mala fakhale nanghaji ra eghu ke klignadi naikno te gnafa ka nauthoglu igne.

Profet Sekaraea 5:3

Mana ne cheke eghu ka iara, “Pepa brahu igne au tagna cheke mala ei puhi biꞌo mala mei thokedi naikno te gnafa ka glose igne. Ka kaisei philegna na chekedi mae te gnafa re mala blau, Lord ginauna ngolhi fajifladi mare. Eghuteuna ka keha phile na cheke ka mae ihei te chaghi kate nhaꞌa cheke na, Lord ginauna ngolhi teidi mare.

Profet Isaia 23:17

Kate ari te gnafa fitusalei finogha igre, Lord ginauna snakredi naiknogna namono Taea mala ke fufunu fapulo nodi bisnis fateore. Mare ginauna na chaichaghidi kantri te gnafa ka nauthoglu igne mala hata kmana sileni, jateula gaꞌase vine te snakreni thinigna na ka mae nalhaꞌu ra eghu.

Jenesis 41:30

Nu ke leghudi fitu finogha tuare, keha fitu finogha te mala theo gano te rofo na ginau thoke mei. Ka narane tuare, naiknore ginauna na theome ghathodi finogha te keli te au kmana gano fara gognaro igre, naugna narane rofo nate thoke mei igne ginau goigoni ni fara namono biꞌo Ijep.

Jenesis 41:55

Kate haimini te theo gano fara na naiknore ne mei tanhi ghedi gano ka mae king. Aonu mae king ne cheke eghu ka naiknore, “Tei filoni mae Josep. Leghuni unha te chekeni mana ka ghotilo na eghu.”

Jenesis 43:1

Rofo na biꞌo fara jare ka kantri Kenan.

Jenesis 12:10

Ka narane tuare jare na ne theo gano fara, eghuteuna mae Ebram balugna nogna vike na ne tei au Ijep.

Jenesis 41:35

Hatimare mae funei igre mala salo fodu gano te hata mare ka finogha te keli te mei igre. Mae igre mala loku ke parimu iagho mala salo fodu gano mala lilisei ka sugagna gano na ka namono gre.