Jenesis 41:54 - Buka Blahi Ka Cheke Holo

⁵⁴ keha fitu finogha te rofo ra ne thoke mei jateula teke chekeni mae Josep ia neu. Rofo igne ne jaola ne thokedi keha kantri te gnafa te falithui Ijep. Nu gano na ne au jare Ijep.

Jenesis 41:54 ပူးပေါင်းရင်းမြစ်များ

Mae Khuru 7:11

“Aonu kaisei behu biꞌo fara ne thokedi namono te gnafa Ijep nei Kenan. Igne ne paradi fara naiknore kate theo gna gano na. Eghuteuna mae kuꞌeda tahati re jaola neke paradi kate theome filoni gano na.

Nodi Khoje Hatimare Mae Jiu 105:16

Lord na neke lilisei kaisei vido te ninhigrana mala theo gano ka kantri mare na, nei mana neke jaola neke fabehudi mare.

Jenesis 45:11

Te mei iagho agne Gosen na, iara ginauna fiofilo nigho ke lamnadi glima finogha te theo gano igre. Eigna iara theome magnahaghe nigho iagho nei tharaknamu nei nou sipu, nanigot, nei buluka teu iagho are te rofo na.’ ”

Jenesis 41:30

Nu ke leghudi fitu finogha tuare, keha fitu finogha te mala theo gano te rofo na ginau thoke mei. Ka narane tuare, naiknore ginauna na theome ghathodi finogha te keli te au kmana gano fara gognaro igre, naugna narane rofo nate thoke mei igne ginau goigoni ni fara namono biꞌo Ijep.

Jenesis 47:13

Glehe rofo na ne biꞌo fara ne theo gano heva te heva na. Vido te theo gano te rofo fara igne ne raꞌe ne diꞌa fara Ijep nei jaola ka kantri Kenan.

Jenesis 43:1

Rofo na biꞌo fara jare ka kantri Kenan.

Jenesis 42:2

Cheke te nomhini iara na jare Ijep na au ganou. Tei si ghotilo mala foli keha gheda gano jare, na eghunu lehe tahati ka rofo eghu.”

Jenesis 41:27

Fitu buluka te nhubradi kolho te mei ke leghu igre nei fitu nure sopho te branadi ka nurigna namono te fobo na te theo sisidi igre eghu eidi fitu finogha mala rofo. Naiknore ginauna na theome naba ghedi gano te mala ima na.

Jenesis 41:53

Kate salaꞌu ari fitu finogha te keli ra,

Fapea Kings 8:1

Tifa na, mae Elisa neke cheke eghu ka naikno biꞌo gna Sunem teke lehe thugna na, eghuteuna ke fakarha fapulo mae profet teku ia, “Te chekeni Lord na heva heva agne Israel na ginauna theo gano nabagna fitu finogha. Eghume te keli na iagho balugna tharaknamu na jifla ka vido igne mala tei au ka keha kantri delei.”