Jenesis 41:52 - Buka Blahi Ka Cheke Holo

⁵² Mae Josep ne jaola ne cheke eghu, “God neke tusu mei thugu ka namono te au diꞌanagnafa iara igne.” Aonu mana ne kiloni fapea thugna na Efraim. Gaoghathogna na “God ne tusu ranghi ghau iara sua.”

Jenesis 41:52 ပူးပေါင်းရင်းမြစ်များ

Jenesis 49:22

“Iagho mae Josep ia, iagho ginauna na jateula kaisei vaen te au ka gerigna glokha na te aba tongana gregegnare ke kligna gna gringni thina na ia eghu. Eghume iagho ginauna na au kmana vikemu, eghuteuna vikemu iagho re ginauna na riki raka tafri heva heva ka namono te kmana re.

Jenesis 17:6

God jaola ne cheke eghu, “Iara ginauna tusu ranghi nigho iagho kmana vike, eghuteuna keha mae ka vike igre ginauna mala mae king.

Jenesis 28:3

Iara toreni God mae ihei te nolaghi na mala fablahi nigho nei tusu ranghi nigho eghu kmana sua. Eghuteuna iagho ginauna mala kmadi kmana naikno.

Profet Emos 6:6

Ghotilo koꞌu waen koba, nei ghiha famane oel te siri keligna ka thinimire. Nu ghotilo theome kokhonini kolho nomi kantri Israel nate mei mae naoka te goigoni igne.

Mae Khuru 7:10

nei fakarhini ka puhi biꞌo te gnafa teke edi mana re. God jaola neke tusu ranghini glalase te keli mala tangomana mae King Fero te magnahagheni mana na. Eghuteuna mae King Fero neke vahini mana mala mae gavana gna Ijep, nei mala reireghidi la naikno te gnafa ke lamnagna nogna suga biꞌo na.

Jenesis 41:51

Aonu mae Josep ne cheke eghu, “God neke togho ghau iara ne ghatho ihodi iara khabrugu ra nei vikegu teura eghu.” Aonu mana ne kiloni thugna teke karha ulu lahu na Manase. Gaoghathogna na “Iara ne ghatho ihodi.”

Jenesis 41:53

Kate salaꞌu ari fitu finogha te keli ra,

Jenesis 48:1

Katha vido kmo'ei ke leghugna igne, keha naiknore ne cheke eghu ka mae Josep, “Mae kmamu iagho ia la fogra fara.” Aonu mae Josep hata ne mei ka mae kmagna na phei thugna nalhaꞌu re, mae Manase ghe mae Efraim.

Jenesis 48:14

Nu mae Jekop neke tughu khamegna re neke habo lao khame nhetagna na ka phaꞌugna mae Efraim na, eghuteuna khame mairigna na ka phaꞌugna mae Manase na.

Ululahu Samuel 1:20

Eghuteuna Hana ne bukla, eghuteuna naꞌa ne au kaisei thugna nalhaꞌu ne kiloni Samuel, gaoghathogna na “Lord ne nomhini ghau iara.” Naugna naꞌa neke tore ka Lord mala tusu ranghini sua.

Jenesis 48:5

Eghuteuna mae Jekop ne jaola ne cheke eghu, “Iara na cheke eidi phei mae thumu iagho teke karha agne Ijep gre kani teke theome mei nga teku iara ka iagho agne na, mae Manase ghe mae Efraim gre. Funu gognaro te haghe na phei mae sitei igre ginauna na jateula te thofno mae thugu eghu iara ngala ka tathadi naiknore mala jateula mae Ruben ghe mae Simion gre eghu.

Naba 26:28

Ka vikegna mae Manase thugna mae Josef na, ne au vikegna mae Makia thugna mae Manase. Mae Makia gne kuꞌedi tharakna gna mae Gilead. Eghuteuna tharakna gna mae Gilead gne e au keha tharakna ikodi la ngau: Kokholo gna mae Iesa, tharakna gna mae Helek, tharakna gna mae Asriel, tharakna gna mae Sekem, tharakna gna mae Semida, nei tharakna gna mae Hefa.

Josua 16:4

Igne glose aheva te khotodi phei vikegna mae Josep, mae Manase ghe mae Efrem.

Josua 17:1

Aonu mare ne snakre lao glose ke mosu Khoꞌu biꞌo Jordan igne ka vikegna mae Manase thugna ululahu mae Josep. Nanghagna thugna nalhaꞌu ululahu mae Manase na mae Makia, eghuteuna thugna mana na mae Gilead. Eghuteuna mae Moses neke tusu laohi phei glose igre Gilead ghe Basan te au ke maghati khoꞌu Jordan igre naugna mae igre mae soldia keli.