Jenesis 41:51 - Buka Blahi Ka Cheke Holo

⁵¹ Aonu mae Josep ne cheke eghu, “God neke togho ghau iara ne ghatho ihodi iara khabrugu ra nei vikegu teura eghu.” Aonu mana ne kiloni thugna teke karha ulu lahu na Manase. Gaoghathogna na “Iara ne ghatho ihodi.”

Jenesis 41:51 ပူးပေါင်းရင်းမြစ်များ

Nodi Khoje Hatimare Mae Jiu 30:5

Mana diꞌatagna katha vido kmoꞌei kolho, nu puhigna mana te keli na au fabrahu ghilei ari gnafa nakarhagna naikno na. Fei grafi na tahati na tanhi nei diꞌanagnafa eghu, eghuteuna fei hamerane na tahati na keli nagnafada nei ke glealeꞌa fapulo eghu.

Proveb 31:7

Lisa lao mala koꞌu mare mala tangomana mare ghatho ihodi nakarha te kuma, nei naꞌau diꞌanagnafa teu are.

Nodi Khoje Hatimare Mae Jiu 30:11

Gognaro na iagho la hata fadeleidihi nogu naꞌau diꞌanagnafa iara re, eghuteuna iagho kela faglealeꞌa ghauhi iara. Eigna iara neke jateula mae te au diꞌanagnafa te tanhi ka naikno te lehera neku. Nu gognaro na iagho kela tuthughu nogu natanhi iara re kau glealeꞌa.

Diutronomi 33:17

Vikegna mae Efrem au kmana thogha mae, eghuteuna vikegna mae Manase, jaola au kmana thogha mae. Ghopa phei vike igre nheta jateula buluka teke kulu karha ra eghu, eghuteuna ghotilo lase magra jateula buluka nalhaꞌugna mata ra eghu. Ghopa phei vike igre ginauna tangomana te goigonidi naiknodi keha kantri are, eghuteuna huhurudi naikno igre mala au ka khukrugna nauthoglu igne, ghopa ginauna tangomana te goigonidi mare.

Jenesis 41:30

Nu ke leghudi fitu finogha tuare, keha fitu finogha te mala theo gano te rofo na ginau thoke mei. Ka narane tuare, naiknore ginauna na theome ghathodi finogha te keli te au kmana gano fara gognaro igre, naugna narane rofo nate thoke mei igne ginau goigoni ni fara namono biꞌo Ijep.

Profet Isaia 65:16

Jame kaisei naikno ka kantri igne tore mala fablahi, mana tore ka nanghagna God mae Ihei te Cheke Tutuani. Eghuteuna jame kaisei naikno nhaꞌa cheke, mana ginauna nhaꞌa cheke ka nanghagna God mae Ihei te Cheke kate Tutuani. Puhi biꞌo te gnafa teke thokedi mare tifa ra ginauna hui, eghuteuna iara ginauna na jaola theome ghathodi.”

Profet Isaia 57:16

Iara ginauna na theome figri tagru ghami, ba diꞌatagu ka ghotilo, naugna jame te eghu fabrahu iara na, ghotilo ginauna na glaꞌe soru. Uve, jame te eghu ghotilo na, ghotilo iheire teke tusu ari iara nakarha na tami ra ginauna lehe.

Nodi Khoje Hatimare Mae Jiu 45:10

Iagho sua gaꞌase te magnahaghei tolaghi ka king teu ia, fanomho fakeli ka unha nate chekeni iara gne nei ghathoni eghu. Iagho na theome fanomho ka nodi farirhiu kheramu nei vikemu te au teu ka namonodire.

Jenesis 48:5

Eghuteuna mae Jekop ne jaola ne cheke eghu, “Iara na cheke eidi phei mae thumu iagho teke karha agne Ijep gre kani teke theome mei nga teku iara ka iagho agne na, mae Manase ghe mae Efraim gre. Funu gognaro te haghe na phei mae sitei igre ginauna na jateula te thofno mae thugu eghu iara ngala ka tathadi naiknore mala jateula mae Ruben ghe mae Simion gre eghu.

Jenesis 41:50

Ame thoke mei nga finogha te mala rofo igre teuna, Asenat khetogna mae Josep gne ne au phei thugna nalhaꞌu.

Jenesis 41:52

Mae Josep ne jaola ne cheke eghu, “God neke tusu mei thugu ka namono te au diꞌanagnafa iara igne.” Aonu mana ne kiloni fapea thugna na Efraim. Gaoghathogna na “God ne tusu ranghi ghau iara sua.”

Jenesis 48:1

Katha vido kmo'ei ke leghugna igne, keha naiknore ne cheke eghu ka mae Josep, “Mae kmamu iagho ia la fogra fara.” Aonu mae Josep hata ne mei ka mae kmagna na phei thugna nalhaꞌu re, mae Manase ghe mae Efraim.

Josua 17:1

Aonu mare ne snakre lao glose ke mosu Khoꞌu biꞌo Jordan igne ka vikegna mae Manase thugna ululahu mae Josep. Nanghagna thugna nalhaꞌu ululahu mae Manase na mae Makia, eghuteuna thugna mana na mae Gilead. Eghuteuna mae Moses neke tusu laohi phei glose igre Gilead ghe Basan te au ke maghati khoꞌu Jordan igre naugna mae igre mae soldia keli.

Ululahu Samuel 1:20

Eghuteuna Hana ne bukla, eghuteuna naꞌa ne au kaisei thugna nalhaꞌu ne kiloni Samuel, gaoghathogna na “Lord ne nomhini ghau iara.” Naugna naꞌa neke tore ka Lord mala tusu ranghini sua.

Naba 26:28

Ka vikegna mae Manase thugna mae Josef na, ne au vikegna mae Makia thugna mae Manase. Mae Makia gne kuꞌedi tharakna gna mae Gilead. Eghuteuna tharakna gna mae Gilead gne e au keha tharakna ikodi la ngau: Kokholo gna mae Iesa, tharakna gna mae Helek, tharakna gna mae Asriel, tharakna gna mae Sekem, tharakna gna mae Semida, nei tharakna gna mae Hefa.

Thoutonu Eigna Mae Job 11:16

Eghuteuna iagho ginauna ghatho ihodi nou diꞌanagnafa re jateula nabritha te loloro te tei ra eghu.