Jenesis 41:49 - Buka Blahi Ka Cheke Holo

⁴⁹ U sopho te salo fodu mana ka suga gano na igre kmana e kmana fara. Jateula nusu ka glilihi na ira eghu, eghuteuna mae Josep na jaola ne theome tangomana ni te kahadi re gano igre.

Jenesis 41:49 ပူးပေါင်းရင်းမြစ်များ

Nodi Khoje Hatimare Mae Jiu 78:27

Nanghajire neke soru mei pari ne ke thafru glose na jateula nusu ka glilihi na ra neu, aonu naiknore ne au ghedi naba nafnahi te mala ima na.

Ululahu Samuel 13:5

Aonu mae soldia di Filistia igre ne kafe mei mala magra ka naiknodi Israel. Mare au thilo thogha chariot mala magra, eghuteuna namno thogha soldia mala chari ka hose, eghuteuna keha mae soldia langau eghu, mare kmana fara jateula nusu ka gratha ra eghu. Mare tei ne au ka namono Mikmas ke maghati Bet-Aven.

Jajis 7:12

Armigna Midian, nei armigna Amalek, nei armigna ke maghatigna namono nagou teu igre thafru ka sare biꞌo na. Mare kmana fara jateula galho eghu ne thafru vido te gnafa ka sare na. Eghuteuna nodi kamel re jateula nusu ka gratha ra eghu kmana fara theome tangomana te kahadire.

Jajis 6:5

Mare mei balu nodi buluka, nei sipu, nei dongki, nei tharaknadi. Aonu naikno nei nodi kamel teu mare igre ne jateula gnata nei galho teu te theome tangomana kaisei naikno te kahadi ra neu ne thafru vido te gnafare. Vido te gnafa aheva te tei mare tagna na, mare na goigonini fara.

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Profet Jeremaea 33:22

Iara ginauna eni vikegna nogu mae gloku Devet, nei mae pris ka vikegna mae Livae mala kmana fara jateula nathunu ka maloa kligna nei nusu ka thongna, te theome tangomana kaisei naikno te kahadi.”

Thoutonu Eigna Mae Job 1:3

Mana au nogna fitu thogha sipu, nei thilo thogha kamel, nei kaisei thogha buluka, nei glima gobi dongki. Eghuteuna mana au nogna kmana mae gloku. Eghuteuna mana kaisei mae dedei fara salaꞌudi mae te gnafa ka rijon ke maghati.

Jenesis 41:48

Eghuteuna mae Josep ne salo fodu gano te gnafa teke joꞌu mare ke lamnadi fitu finogha igre. Mana ne salo fodu ganodi nagare te gnafa teke joꞌu mare ka soasopaigna namono igre ne lilisei ka suga gna gano te mala di namono tuare.

Jenesis 41:50

Ame thoke mei nga finogha te mala rofo igre teuna, Asenat khetogna mae Josep gne ne au phei thugna nalhaꞌu.