Jenesis 41:46 - Buka Blahi Ka Cheke Holo

⁴⁶ Mae Josep gne neke tolufulu finogha gna neke funu loku nga ranghini mae king gna Ijep. Eghuteuna mae Josep ne jifla ka sugagna mae king na ne tei tongana heva heva ka namono Ijep.

Jenesis 41:46 ပူးပေါင်းရင်းမြစ်များ

Profet Daniel 1:19

King ne cheke ka mare gnafa. Nu theo kaisei mae ka keha mae majaghani te au ka sugagna king na igre te nanaba ka mae Daniel, mae Hananaea, mae Misael nei mae Asaraea. Nogna faghusna, ba unha nafnata glepo te magnahaghedi king ka fati mae majaghani igre na mare thofno lasedi fara salaꞌudi nogna mae glalase te gnafa nei nogna mae kastom te gnafa teu king gna Babilonia. Aonu, king ne vahidi fati mae igre mala nogna mae gloku.

Ululahu Kings 12:6

Eghuteuna King Rehoboam ne kilodi goro mae biꞌo teke loku ranghini King Solomon kmagna mana tifa ra. Mana ne cheke eghu ka mare, “Unha gne nate cheke tughudi iara ka naikno igre na?”

Fapea Samuel 5:4

Ka narane te king mae Devet igne, mana tolufulu finogha funu karhagna. Aonu mana ne king nabagna phiatutu finogha.

Ululahu Samuel 16:21

Mae Devet tei ne au balugna king Sol, ne loku ranghini mana. Mae Sol filoni mae Devet ne keli tagna fara, mana vahini mae Devet mala pala nogna glepo mala magrare.

Naba 4:3

ghopa riso soru nanghadi mae te vuha ka tolufulu finogha te thoke ka glimafulu finogha. Mae tuare te mala loku ka Suga Thapuale te blahi igne.

Jenesis 37:2

Igne u thoutonu eigna mae Jekop nei thugna mana re teuna. Mae Josep gne kaisei mae majaghani fara, nabotho fitu finogha gna kolho. Mana neke mae mala reireghi sipu nei nanigot eghu baludi mae ke biꞌogna re, mae ke biꞌogna mana igre neke thudi Bilha ghe Silpa, phei khetogna mae kmagna. Mae Josep neke posa toutonu koba ka mae kmagna na unha puhi te diꞌa teke edi mae ke biꞌogna re.

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Luku 3:23

Jame kate thokeni tolufulu finogha gna na, mae Jisas ne funu farirhiudi naiknore. Eghuteuna gaoghathodi naiknore mae Jisas gne neke thugna mae Josep. Mae Josep gne thugna mae Heli.

Proveb 22:29

Mae te laseni fara nogna gloku na, mana na theome eni nogna gloku fiti mae na, nu mana ginauna na loku ranghini mae funei.

Ululahu Kings 12:8

Nu mae Rehoboam ne tirogna fanomho ka nodi cheke goro mae biꞌo igre, aonu mana tei ne filodi goro mae majaghani teke biꞌo haghe balugna te loku ranghini igre.

Jenesis 41:47

Ke lamnadi fitu finogha te keli igre gano na ne keli ne bruara fara jare Ijep.

Jenesis 42:8

Mae Josep filo glanidi mae thabusigna igre, nu mare theome filo glani ni ngala mana eghu.

Jenesis 45:6

Gognaro na la phei finogha hi te theo gano na. Nu keha glima finogha re au ngau te mala theo gano na.

Profet Daniel 1:4

Mae igre ne hirodi keha mae majaghani te glalase, nei keha mae te au tadi gaoghatho te keli, ba mae iheire te ghosei te hata glalase, nei theo kaisei glafi thona ka thinidire, nabadi te mala loku ka sugagna king. Eghuteuna king jaola ne cheke ka mana mala farirhiudi mae igre mala lase iu'iju nei rioriso eghu ka cheke gna Babilonia. Eghuteuna mae igre mala lasedi kastom nei glalase eghu te rioriso mare ka kantri igne.