Jenesis 41:43 - Buka Blahi Ka Cheke Holo

⁴³ Mana ne snakreni mae Josep mala saghe ka nogna fapea chariot mae king na. Mae gloku te tei ke ulugna mana re mare ne eha eghu ka mavitu te mei ke ulugna chariot na, “Igne tela mei nomi mae funei ghotilo na, fasnagla nabrou gne.” Ka puhi igne mae king ne vahini mae Josep ne kaisei mae funei biꞌo gna Ijep.

Jenesis 41:43 ပူးပေါင်းရင်းမြစ်များ

Jenesis 45:8

“Eghume theome ghotilo teke kuru mei ghau iara ka namono igne na, nu God teke kuru mei ghau iara na. God neke vahi ghau iara mala nogna mae ofisa biꞌo lahu mae king gna Ijep. Iara mae mala reireghidi naikno te gnafa te au ka sugagna mana na igre, nei mae funei di vido te gnafa ka kantri Ijep.

Mae Khuru 7:10

nei fakarhini ka puhi biꞌo te gnafa teke edi mana re. God jaola neke tusu ranghini glalase te keli mala tangomana mae King Fero te magnahagheni mana na. Eghuteuna mae King Fero neke vahini mana mala mae gavana gna Ijep, nei mala reireghidi la naikno te gnafa ke lamnagna nogna suga biꞌo na.

Jenesis 45:26

Kate posa mare ka namono na, mare ne cheke eghu ka mae kmadi na, “Mama, mae Josep ne lelehi teku ia mana karhau ngala, mana theome lehe. Gognaro na mana ngala te funei ka vido te gnafa ka kantri Ijep na.” Mae Jekop nomhidi cheke igre ne rhana nogna fara ne tirogna fatutuani di nodi cheke mare igre.

Jenesis 42:6

Ka narane tuana mae Josep gne mana kaisei mae gavana biꞌo gna Ijep, eghuteuna naikno te gnafa te au heva te heva na mare tei ka mana mala foli wit. Aonu mae thabusigna mana re ne tei ka mana ne pogho soru pari ke ulugna mae Josep.

Filipae 2:10

Eghume naikno te gnafa te au kligna nei ka nauthoglu igne ba iheire te au ka namonodi naikno te lehere ginauna tuturupuku soru ka mana.

Jenesis 42:33

“Kate nomhidi cheke igre mae funei biꞌo na ne cheke eghu ka ghehati, ‘Kaisei mae ka ghotilo mala au balugu iara agne mala tangomana iara te fatutuani ghami ghotilo te mae mala cheke kate tutuani na. Eghuteuna ghotilo keha mae ra mala hata wit ke pulo ka namono mi na mala toghodi vikemi te au rofo teu ra.

Jenesis 42:30

nu kate tei ghehati Ijep na mae funei biꞌo gna Ijep na ne jateula te cheke ka mae te mala fasigho ra neu ne cheke fabiꞌo fara ka ghehati.

Jenesis 41:42

Aonu mae king ne hata koko u ring teke au ka gegesugna thegna na ne lisei lao ka gegesugna mae Josep na. U ring igne au nanghagna mae king. Mae king ne jaola ne fapipichi lao kaisei famane pohe ka mae Josep eghuteuna fa bao lao kaisei chen gol ka mana.

Jenesis 41:44

Mae king ne cheke eghu ka mae Josep, “Iara mae king. Eghuteuna te chekeni iara na theo kaisei mae gna agne Ijep te tangomana te eni kaisei glepo te magnahagheni thegna na. Theo. Mana mala kulu mei tore ghu ka iagho.”

Jenesis 50:18

Eghuteuna mare tei ka mae Josep ne pogho soru ke ulugna mana. Mare ne cheke eghu ka mana, “Ghehati gne mala nou mae gloku iagho kolho.”

Nogna Buka Esta 10:3

Eghuteuna mae Modikae maegna Juda igne ne mei fapea mae ka mae King Sekses. Mae Jiu igre ne thofno ghatho tahuni mae Modikae, naugna mana loku heta ranghidi nogna naiknore mala au fakeli nei au kau pharikeli eghu ke lamnagna kantri igne.

Jenesis 50:9

Mae te saghe ka chariot nei saghe ka hose teure ne jaola ne tei balugna mae Josep. Jajagha biꞌo fara te tei na.

Nogna Buka Esta 3:2

Aonu king ne cheke ranghidi nogna mae funei re mala pogho soru nei turupuku eghu ke ulugna mae Haman. Nu mae Modikae ne tirogna turupuku, ba fafnaknoni mana.

Eklesiasti 4:14

Neuba mae majaghani igne neke au ka sosolo tifa, ba neke karha ka tharakna te kuma, nu te keli na mana tughuni mae king igne.

Profet Daniel 2:48

Aonu mae King Nebukadnesa ne tusu lao nolaghi biꞌo nei tusu lao keha glepo ka mae Daniel, eghuteuna vahini mana mala Primia gna Babilonia, nei mala mae funeidi hatimare mae glalase te gnafa ka kantri tuana.