Jenesis 41:41 - Buka Blahi Ka Cheke Holo

⁴¹ Aonu mae king ne cheke eghu ka mae Josep, “Gognaro na, ghema Josep, iara lilisei nigho iagho ka sape nafnakno te mala funei frunidi namono te gnafa agne ka namono Ijep.”

Jenesis 41:41 ပူးပေါင်းရင်းမြစ်များ

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Profet Daniel 6:3

King ne filoni nogna gloku mae Daniel na thofno keli fara uludi nodi gloku keha phei mae funei te loku balugna mana igre, ba mae minista te gnafa igre. Aonu mae king ne ghaoghatho mala vahini mae Daniel te mala kaisei mae funei biꞌolahu ka kantri igne.

Jenesis 42:6

Ka narane tuana mae Josep gne mana kaisei mae gavana biꞌo gna Ijep, eghuteuna naikno te gnafa te au heva te heva na mare tei ka mana mala foli wit. Aonu mae thabusigna mana re ne tei ka mana ne pogho soru pari ke ulugna mae Josep.

Proveb 22:29

Mae te laseni fara nogna gloku na, mana na theome eni nogna gloku fiti mae na, nu mana ginauna na loku ranghini mae funei.

Proveb 17:2

Mae gloku te autagna gaoghatho keli na ginauna funei fruni ni thugna mae funei te diꞌa puhigna. Eghuteuna kate lehe mae funei igne na, mae gloku igne ginauna hata kasa nogna glepo mae funei na.

Nogna Buka Esta 10:3

Eghuteuna mae Modikae maegna Juda igne ne mei fapea mae ka mae King Sekses. Mae Jiu igre ne thofno ghatho tahuni mae Modikae, naugna mana loku heta ranghidi nogna naiknore mala au fakeli nei au kau pharikeli eghu ke lamnagna kantri igne.

Jenesis 41:44

Mae king ne cheke eghu ka mae Josep, “Iara mae king. Eghuteuna te chekeni iara na theo kaisei mae gna agne Ijep te tangomana te eni kaisei glepo te magnahagheni thegna na. Theo. Mana mala kulu mei tore ghu ka iagho.”

Jenesis 39:22

Mana vahini mae Josep mala reireghidi mana mae te sosolo te gnafa re, nei fiofilodi eghu gloku te gnafa ka suga sosolo na.

Jenesis 39:5

Aonu funu ka narane te au mae Josep ka gloku igne na Lord ne fablahini tharaknagna nei glepo te gnafa teu te au ka sugagna nei nogna nagare teu mae Potifa re, naugna mae Josep ne au neu jare baludi.

Mae Khuru 7:10

nei fakarhini ka puhi biꞌo te gnafa teke edi mana re. God jaola neke tusu ranghini glalase te keli mala tangomana mae King Fero te magnahagheni mana na. Eghuteuna mae King Fero neke vahini mana mala mae gavana gna Ijep, nei mala reireghidi la naikno te gnafa ke lamnagna nogna suga biꞌo na.

Nodi Khoje Hatimare Mae Jiu 105:21

King neke naꞌini mana ka sape nafnakno mala kaisei mae biꞌo, mae ihei te mala reireghidi nogna thua nafnotu fateote'o re Ijep.

Eklesiasti 4:14

Neuba mae majaghani igne neke au ka sosolo tifa, ba neke karha ka tharakna te kuma, nu te keli na mana tughuni mae king igne.

Jenesis 45:8

“Eghume theome ghotilo teke kuru mei ghau iara ka namono igne na, nu God teke kuru mei ghau iara na. God neke vahi ghau iara mala nogna mae ofisa biꞌo lahu mae king gna Ijep. Iara mae mala reireghidi naikno te gnafa te au ka sugagna mana na igre, nei mae funei di vido te gnafa ka kantri Ijep.

Profet Daniel 2:48

Aonu mae King Nebukadnesa ne tusu lao nolaghi biꞌo nei tusu lao keha glepo ka mae Daniel, eghuteuna vahini mana mala Primia gna Babilonia, nei mala mae funeidi hatimare mae glalase te gnafa ka kantri tuana.