Jenesis 41:40 - Buka Blahi Ka Cheke Holo

⁴⁰ Iara vahi nigho iagho mala kaisei mae funei biꞌo ka namonogu iara igne, eghuteuna nogu naikno iara igre mala nomhidi nou cheke iagho re. Iara mae king, eghuteuna kaisei nanghagu iara igne ngala nate au ke klignamu iagho na.”

Jenesis 41:40 ပူးပေါင်းရင်းမြစ်များ

Mae Khuru 7:10

nei fakarhini ka puhi biꞌo te gnafa teke edi mana re. God jaola neke tusu ranghini glalase te keli mala tangomana mae King Fero te magnahagheni mana na. Eghuteuna mae King Fero neke vahini mana mala mae gavana gna Ijep, nei mala reireghidi la naikno te gnafa ke lamnagna nogna suga biꞌo na.

Proveb 22:29

Mae te laseni fara nogna gloku na, mana na theome eni nogna gloku fiti mae na, nu mana ginauna na loku ranghini mae funei.

Profet Daniel 5:29

Kate nomhini cheke igne, King Belsasa ne chekedi nogna mae glokure mala hata mei nogna pohe king na mala fapichi mae Daniel. Eghuteuna fabaꞌo lao kaisei chen gol ka mana. Aonu mana ne vahini mae Daniel mala fatilo nogna mae funei biꞌo ka nogna kantri na.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Profet Daniel 6:3

King ne filoni nogna gloku mae Daniel na thofno keli fara uludi nodi gloku keha phei mae funei te loku balugna mana igre, ba mae minista te gnafa igre. Aonu mae king ne ghaoghatho mala vahini mae Daniel te mala kaisei mae funei biꞌolahu ka kantri igne.

Jenesis 45:26

Kate posa mare ka namono na, mare ne cheke eghu ka mae kmadi na, “Mama, mae Josep ne lelehi teku ia mana karhau ngala, mana theome lehe. Gognaro na mana ngala te funei ka vido te gnafa ka kantri Ijep na.” Mae Jekop nomhidi cheke igre ne rhana nogna fara ne tirogna fatutuani di nodi cheke mare igre.

Thoutonu Eigna Mae Job 31:27

Iara theome poru te mala kilo fnaknodi phei glepo igre. Eghuteuna iara theome gnangho ka khamegu na mala pogho sorudi phei glepo igre.

Ululahu Samuel 10:1

Aonu mana ne hata kaisei botol oliv oel ikoi ne tofa ka phaꞌugna mae Sol, gnafa teuna mae Samuel ne gnanghoni mae Sol ne cheke eghu ka mana, “Lord neke vahi nigho iagho mala king nei mala batudi naiknodi Israel.

Jenesis 39:9

Agne na theo kaisei mae te jateula iara teu ka te loku ka suga igne na. Mae Potifa theome lhotini kaisei glepo ka iara. Mana neke theome cheke ranghi ghau iara te mala thuru balumu iagho na, theo fara, naugna iagho khetogna mana. Iara theome tangomana te eni kaisei puhi te diꞌa ranghini mana. Jame te eni iara puhi te diꞌa tuana ranghini mana na, iara tapla jafra ka nakhibo ke ulugna God eghu.”

Jenesis 44:18

Aonu mae Juda lao ne kegra rhegna mae Josep ne cheke eghu ka mana, “Mae biꞌo, those diꞌatamu ka iara. Iara magnahaghei te famane facheke ka iagho naugna iagho kaisei mae nolaghi fara, jateula mae king gna Ijep thegna eghu.

Nogna Buka Esta 3:1

Theome raugha ke leghugna igne, King Sekses ne vahini mae Haman, thugna mae Hamedata, kaisei mae ka vikegna mae Agag mala kaisei nogna mae Praeminista.

Nogna Buka Esta 10:3

Eghuteuna mae Modikae maegna Juda igne ne mei fapea mae ka mae King Sekses. Mae Jiu igre ne thofno ghatho tahuni mae Modikae, naugna mana loku heta ranghidi nogna naiknore mala au fakeli nei au kau pharikeli eghu ke lamnagna kantri igne.