Jenesis 41:37 - Buka Blahi Ka Cheke Holo

³⁷ Mae king gna Ijep baludi nogna mae ofisa re ne keli tadi fara kate nomhidi nogna cheke mae Josep igre.

Jenesis 41:37 ပူးပေါင်းရင်းမြစ်များ

Mae Khuru 7:10

nei fakarhini ka puhi biꞌo te gnafa teke edi mana re. God jaola neke tusu ranghini glalase te keli mala tangomana mae King Fero te magnahagheni mana na. Eghuteuna mae King Fero neke vahini mana mala mae gavana gna Ijep, nei mala reireghidi la naikno te gnafa ke lamnagna nogna suga biꞌo na.

Proveb 25:11

Kate thoke mei thofno narane te mala cheke iagho na, iagho famane cheke, tuana jateula famane gano ka tapera gol ra eghu.

Proveb 10:20

Nogna cheke naikno te keli na, jateula silva eghu. Nu nagnafagna naikno te diꞌa na, theo nafugna kolho.

Nodi Khoje Hatimare Mae Jiu 105:19

Aonu mae Josep au neu jare ne ghilei thokeni u cheke teke eni mana ka keha mae sosolo na ne horoghoto tutuani. Nogna cheke Lord eigna vido te ninhigrana te theo gano na, ne thofno laseni te cheke tutuani mae Josep na.

Ululahu Kings 21:2

Kaisei narane, King Ehab ne cheke eghu ka mae Nebot, “Famei ka iara nou nagare iagho ana mala joꞌu gano iara tagna, naugna ne namo fara ka nogu suga biꞌo iara gne. Iara ginauna nake tughu kaisei nagare teke kelignai tuanai, ba jame te magnahaghei iagho na, iara ginauna foli ka iagho.”

Fapea Samuel 3:36

Kate nomhini nogna cheke king igne, naiknore ne thofno kelitadi ne gleale'a fara. Gobigna lepo te edi king igre, naiknore ne kafe keli tadi fara.

Josua 22:30

Kate nomhini pris Finehas baludi nabotho lida igre unha te chekeni kheradi mare igre, mare ne kelitadi fara. Eghuteuna mare ne cheke eghu ka mare, “Gognarona ghehati laseni Lord te au baluda tahati. Unha te eni ghotilo igne falaseni ghotilo te theome fariuriu te mala eni kaisei glepo te mala huhughuni mana. Ghehati laseni Lord te au baluda eghuteuna mana ginauna na theome para ghita gnafa.”

Jenesis 41:36

Kate thoke meidi fitu finogha te theo gano te rofo agne Ijep na, naiknogna Ijep gne ginauna na mei hata ghedi ka gano teke salo fodu hatimare mae funei igre. Te eghu na, naikno gre ginauna na theome lehe ka rofo.”

Jenesis 41:38

Eghuteuna mae king ne cheke eghu ka hatimare mae ofisa re, “Tharunga gna God na au ka mae igne. Iara theome filoni kaisei mae te nabagna te mala hata u gloku igne na.”

Jenesis 45:16

Keha naiknore ne toutonu ka iheire te loku ka sugagna mae king na eigna te mei au teu mae thabusigna mae Josep gre jare na. Mae king baludi nogna mae ofisa re ne nomhini cheke igne ne keli tadi fara.