Jenesis 41:30 - Buka Blahi Ka Cheke Holo

^30-31 Nu ke leghudi fitu finogha tuare, keha fitu finogha te mala theo gano te rofo na ginau thoke mei. Ka narane tuare, naiknore ginauna na theome ghathodi finogha te keli te au kmana gano fara gognaro igre, naugna narane rofo nate thoke mei igne ginau goigoni ni fara namono biꞌo Ijep.

Jenesis 41:30 ပူးပေါင်းရင်းမြစ်များ

Jenesis 47:13

Glehe rofo na ne biꞌo fara ne theo gano heva te heva na. Vido te theo gano te rofo fara igne ne raꞌe ne diꞌa fara Ijep nei jaola ka kantri Kenan.

Jenesis 41:54

keha fitu finogha te rofo ra ne thoke mei jateula teke chekeni mae Josep ia neu. Rofo igne ne jaola ne thokedi keha kantri te gnafa te falithui Ijep. Nu gano na ne au jare Ijep.

Jemes 5:17

Tahati laseni eigna mae profet Elija ia. Mana kaisei mae jateula tahati eghu kolho. Nu mana neke tarai heta ka God mala theome soru nakhete ka nauthoglu gne. Aonu theome nakhete naba thilo finogha namno nhigra.

Nodi Khoje Hatimare Mae Jiu 105:16

Lord na neke lilisei kaisei vido te ninhigrana mala theo gano ka kantri mare na, nei mana neke jaola neke fabehudi mare.

Luku 4:25

Uve, unha te chekeni iara ka ghotilo gne thofno tutuani fara. Ka narane gna mae Elija na neke theome nakhete thilo finogha namno nhigra. Aonu heva te heva na ne behu neke theo gano. Eghuteuna kmana naikno biꞌo te glehe kokoi neke au jare Israel ka narane tuare.

Profet Isaia 65:16

Jame kaisei naikno ka kantri igne tore mala fablahi, mana tore ka nanghagna God mae Ihei te Cheke Tutuani. Eghuteuna jame kaisei naikno nhaꞌa cheke, mana ginauna nhaꞌa cheke ka nanghagna God mae Ihei te Cheke kate Tutuani. Puhi biꞌo te gnafa teke thokedi mare tifa ra ginauna hui, eghuteuna iara ginauna na jaola theome ghathodi.”

Proveb 31:7

Lisa lao mala koꞌu mare mala tangomana mare ghatho ihodi nakarha te kuma, nei naꞌau diꞌanagnafa teu are.

Fapea Kings 8:1

Tifa na, mae Elisa neke cheke eghu ka naikno biꞌo gna Sunem teke lehe thugna na, eghuteuna ke fakarha fapulo mae profet teku ia, “Te chekeni Lord na heva heva agne Israel na ginauna theo gano nabagna fitu finogha. Eghume te keli na iagho balugna tharaknamu na jifla ka vido igne mala tei au ka keha kantri delei.”

Ululahu Kings 17:1

Profet Elija mae gna Tisbe, ka nohi Gilead. Mana tei ne cheke eghu ka King Ehab, “Iara nogna mae gloku Lord, nodi God mae Israel te karha te tifa. Ka nanghagna Lord iara na cheke fadoglo ari ka iagho, ginauna na theome nakhete keha finogha. Jare ginauna theo kaisei nakhete ba nabubla nate soru mei na ghilei chekeni iara na teke soru mei nakhete na.”

Fapea Samuel 24:13

profet Gad tei ne filoni mana, ne cheke eghu, “Iagho na vavahi kaisei ka thilo glepo igre. Kaisei na, narane te mala rofo na ginauna thoke mei heva heva nabagna thilo finogha ka noda kantri tahati igne. Kehana, iagho ginauna rikhadi nou naokare tei au delei nabagna thilo nhigra. Kehana, kaisei fogra te thono diꞌa fara ginauna goigonini noda kantri tahati igne nabagna thilo narane. Eghume iagho mala vavahi unha nafnata papara te magnahaghei iagho ka thiloi igre. Iagho mala ghaoghatho fakeli eigna igne, naugna iara ginauna hata tei nou cheke tughu iagho na ka God mae ihei teke kuru mei ghau iara na.”

Jenesis 41:56

Kate theo gano heva te heva na, mae Josep ne tothora sugadi gano re mala mei foli ghedi naiknore. Eghuteuna keha naikno ka keha vido nauthoglu re ne meila ngau Ijep mala foli gano ka mae Josep, naugna rofo igne la thofno diꞌa fara heva te heva na.

Jenesis 41:51

Aonu mae Josep ne cheke eghu, “God neke togho ghau iara ne ghatho ihodi iara khabrugu ra nei vikegu teura eghu.” Aonu mana ne kiloni thugna teke karha ulu lahu na Manase. Gaoghathogna na “Iara ne ghatho ihodi.”

Jenesis 41:27

Fitu buluka te nhubradi kolho te mei ke leghu igre nei fitu nure sopho te branadi ka nurigna namono te fobo na te theo sisidi igre eghu eidi fitu finogha mala rofo. Naiknore ginauna na theome naba ghedi gano te mala ima na.

Jenesis 41:21

Kate ghamu te gnafa na, buluka igre ne jateula teke theome ghamu ra neu ne theome boho kolho fifilodi re. Buluka igre thono diꞌa fara fifilodire. Jateula teke tifa ra eghu ngala. Aonu iara ne dofra haghe.