Jenesis 41:25 - Buka Blahi Ka Cheke Holo

²⁵ Aonu mae Josep ne cheke eghu ka mae king, “Gaoghathodi phei nou mifi iagho are kaisei nanaba kolho. God na magnahaghei te fatakle ari ka iagho unha nate eni mana na.

Jenesis 41:25 ပူးပေါင်းရင်းမြစ်များ

Profet Daniel 2:45

Thina biꞌo te phili funu ka thogelero te soru thegna te goigonidi gol, nei silva, nei bras, nei aean, nei glose teu igre, fagaglana gna God mae ihei te au nolaghi fateote'o igne te fakakhana ka iagho unha nate thoke mei ginauna. Eghuteuna gaoghathodi unha te filodi iagho igre ginauna thoke mei tutuani fara.”

Thakle 4:1

Ke leghudi glepo igre, iara ne filoni kaisei grengatha ne thora kligna. Ka vido tuana iara neke nomhila naogla teke cheke meila ka iara ulu lahu ia, biꞌo fara jateula khufli eghu, ne cheke eghu ranghi ghau iara, “Iagho haghe agne, iara ginauna falalase ka iagho glepo na te theome raugha te thakle mei nathuꞌu nauriha na.”

Efesus 1:17

Eghuteuna iara toreni God koba, Kmagna noda Lord Jisas Kraes, mala tusu ranghi ghami nogna Tharunga te Blahi na mala tangomana ghotilo te filo glani puhigna God na, nei thofno laseni mana.

Nonomho Te Keli Teke Risoi Mae Mak 13:23

Eghume fiofilo ghami eghu. Iara kulu chekedi ka ghotilo glepo igre gognaro na ame thoke mei nga reꞌe eghu!”

Matiu 24:40

Ka narane tuana jame phei mae kafe loku ka nagare. Mare na hata kaisei, nu lilisei faleghu keha na.

Profet Emos 3:7

Tutuani fara, ame eni nga Lord unha te magnahagheni na teuna, mana ginauna kulu cheke ka nogna mae profet.

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Profet Isaia 43:9

Ghotilo kilodi naikno te gnafa ka keha kantri are mala kafe mei. Ihei ka nodi god mare igre nate toutonudi gobigna lepo teke edi teke mei tifa, ba glepo te theome thokei mei nga teure? Ihei ka keha god igre nate kulu toutonudi glepo te thoke mei gognaro igre? Lisa lao ka keha god are mala falalase mare te tutuani nodi cheke re.”

Nodi Khoje Hatimare Mae Jiu 98:2

Lord na la chekenihi tela uludihi nogna naokare kau magra, nei la fakakhanahi ka keha kantri are eigna mana te au nolaghi te fakarha ghita na.

Josua 11:6

Aonu Lord ne cheke eghu ka mae Josua, “Iagho thosei mhaghudi, naugna iara Lord ginauna togho nigho iagho. Nathuꞌu jateula narane gognarogne teuna mae te kmana tuare ginauna kafe lehe hui. Eghuteuna ke leghugna magra igne, nodi hose mala magra mare are ginauna kafe blughu, eghuteuna nodi chariot mala magra mare are ginauna kafe ghamu khaꞌaghi hui.”

Jenesis 41:16

Mae Josep ne cheke eghu ka mae king, “Iara theome tangomana te ruruthani gaoghathogna u nou mifi iagho na, nu thegna God ngala te tangomana ni te ruruthani u gaoghathogna nou mifi iagho na, eghuteuna kate nomhini iagho gaoghathogna nou mifi na, iagho ginauna na thofno glealeꞌa fara.”

Eksodas 9:14

Jame te theome eni iagho igne na, gognaro na iara ginau para nigho iagho baludi nou mae funei nei naikno teu iagho are. Ghotilo ginau na thofno laseni te theo kaisei god jateula iara teu te au nolaghi biꞌo ka nauthoglu igne na.

Jenesis 41:26

Fitu buluka te famane blokha igre eidi fitu finogha, eghuteuna fitu nure sopho te keli igre jaola eidi fitu finogha mala bruara. Gaoghathodi phei mifi igre e kaisei nanaba ngala.

Jenesis 41:28

“Jateula teke chekenihi iara ka iagho ia eghu. God na magnahaghei te fatakle ari ka iagho unha nate eni mana agne Ijep na.

Jenesis 41:32

God neke fakakhana ari ka iagho phei mifi te kaisei nanaba ngala u gaoghathodire igre, naugna mana magnahaghei te falalase ka iagho unha teke ghathonihi mana nate thoke mei na. Eghuteuna mana neke jaola neke magnahaghei te falalase ari ka iagho glepo nate theome raugha nate thoke mei ginau igre.

Jenesis 40:8

Phia mare ne cheke eghu ka mae Josep, “Ghepa neke orio mifi bongi na. Nu theo kaisei mae agne naba te mala ruruthadi u gaoghathodi nomi mifi ghepa gre eghu.” Mae Josep ne cheke eghu ka phia mare, “God ngala te tangomana te ruruthadi ka tahati u gaoghathodi mifi igre na, te eghu na God na fakakhana ka iara u gaoghathodi nomi mifi ghopa igre eghu. Eghume ghopa na toutonu ka iara nomi mifi re eghu.”