Jenesis 41:16 - Buka Blahi Ka Cheke Holo

¹⁶ Mae Josep ne cheke eghu ka mae king, “Iara theome tangomana te ruruthani gaoghathogna u nou mifi iagho na, nu thegna God ngala te tangomana ni te ruruthani u gaoghathogna nou mifi iagho na, eghuteuna kate nomhini iagho gaoghathogna nou mifi na, iagho ginauna na thofno glealeꞌa fara.”

Jenesis 41:16 ပူးပေါင်းရင်းမြစ်များ

Fapea Korin 3:5

Tutuani, ghehati theo kaisei nomi nolaghi themi te mala chekeni ghehati nabami si te mala eni gloku igne teuna. Nu God ngala te fatangomana ghami ghehati te mala eni gloku igne na.

Jenesis 40:8

Phia mare ne cheke eghu ka mae Josep, “Ghepa neke orio mifi bongi na. Nu theo kaisei mae agne naba te mala ruruthadi u gaoghathodi nomi mifi ghepa gre eghu.” Mae Josep ne cheke eghu ka phia mare, “God ngala te tangomana te ruruthadi ka tahati u gaoghathodi mifi igre na, te eghu na God na fakakhana ka iara u gaoghathodi nomi mifi ghopa igre eghu. Eghume ghopa na toutonu ka iara nomi mifi re eghu.”

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Mae Khuru 3:12

Kate filoni mae Pita igne, mana ne cheke eghu ka naiknore, “Ghotilo mae Israel, naugna unha site jaglo nomi ghotilo ka glepo ignea? Ba, naugna unha site filo tutuni ghotilo ka ghepa gnea? Ba, ne fakelini ghepa mae igne ka nomi nolaghi themi, ba, ne keli ghepa ke ulugna God neu si ghotilo ia? Theo!

Naba 12:6

Aonu Lord ne cheke eghu ka repa, “Ghopa fanomho fakeli ka nogu cheke iara gre! “Ne au nga kaisei mae profet balumi ghotilo nu, iara ginauna mei ka nogna mifi mana re, eghuteuna iara ginauna facheke balugna ka nogna mifi mana tuare.

Ululahu Korin 15:10

Nu ka nogna khokofakasai God iara theome fiti au gognaro na. Theo. Nogna khokofakasai na togho ghau iara te mala nogna mae gloku God. Naugna iara loku heta fara ke uludi keha mae khurure, nu theome nogu gloku iara thegu. Nogna khokofakasai God te au balugu iara na mala togho ghau iara.

Mae Khuru 3:7

Eghuteuna mae Pita ne loku ka khame nhetagna na ne korho haghe. Ka vido tuanala, nhubra ghahegna mana te gnafare ne kafe maku fapulo.

Luku 19:42

Mae Jisas ne cheke eghu, “Thofno keli fara jame te filo glanini ghotilo gognarona puhi te mala batuni naikno te tei kau pharikeli na. Nu ghotilo theome tangomana te filo glani na eghu, naugna poru ka ghotilo.

Profet Daniel 4:2

Iara magnahaghei te cheke ka ghotilo eidi fagaglana nei kofubobhoi eghu te edi God mae ihei te fnakno kligna lahu te fakakhana ka tahati igre.

Fapea Kings 6:27

Eghuteuna king ne cheke eghu ka naꞌa, “Jame te theome tangomana Lord te togho nigho na, iara ginauna na jaola theome tangomana te togho nigho na, naugna iara ne theo kaisei wit ba waen.

Jenesis 37:14

Mae kmagna na ne cheke eghu ka mana, “Iagho na tei jare mala filodi hatimare mae thabusimu ra glahula te au fakeli ghu theo ghu teu mare na. Iagho jaola tei mala filodi u sipu ra glahula te au fakeli ghu theo ghu teu reꞌe na. Kate tei iagho te filodi mare na iagho ke pulo mei ka iara eghu mala ke toutonu ranghi ghau iara.” Ka narane igne, mae Jekop nei hatimare eghu au neu ka glogu Hebron. Aonu mae Josep jifla ka namono na ne tei posa Sekem.

Jenesis 41:17

Mae king ne cheke eghu ka mae Josep, “Ka nogu mifi iara na, iara kegra neu ka gerigna Khoꞌu biꞌo Nael.

Jenesis 41:25

Aonu mae Josep ne cheke eghu ka mae king, “Gaoghathodi phei nou mifi iagho are kaisei nanaba kolho. God na magnahaghei te fatakle ari ka iagho unha nate eni mana na.

Jenesis 41:28

“Jateula teke chekenihi iara ka iagho ia eghu. God na magnahaghei te fatakle ari ka iagho unha nate eni mana agne Ijep na.

Diutronomi 29:29

“Lord noda God tahati na au keha nogna gaoghatho poru te theome tangomana kaisei naikno te laseni. Nu mana cheke ranghi ghitahi ka nogna vetula na, nei ka iheire nate karha mei ke leghuda, eghume tahati mala leghudi fabrahu nogna cheke te gnafa mana re.”

Profet Sekaraea 4:6

Aonu engel igne ne cheke eghu ka iara, “Igne nogna cheke Lord ka mae Serababel: ‘Iagho nei nou naikno re eghu theome edi nogu gloku iara re ka nomi nanheta, nei ka nomi nolaghi ghotilo themi. Nu ka Tharungagu iara kolho.’ Igne nogna cheke Lord mae ihei te au nolaghi fateote'o.