Jenesis 40:8 - Buka Blahi Ka Cheke Holo

⁸ Phia mare ne cheke eghu ka mae Josep, “Ghepa neke orio mifi bongi na. Nu theo kaisei mae agne naba te mala ruruthadi u gaoghathodi nomi mifi ghepa gre eghu.” Mae Josep ne cheke eghu ka phia mare, “God ngala te tangomana te ruruthadi ka tahati u gaoghathodi mifi igre na, te eghu na God na fakakhana ka iara u gaoghathodi nomi mifi ghopa igre eghu. Eghume ghopa na toutonu ka iara nomi mifi re eghu.”

Jenesis 40:8 ပူးပေါင်းရင်းမြစ်များ

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Profet Daniel 2:28

Nu God gna kligna na ngala te tangomana te fakakhana glepo te poru igre. Eghuteuna mana neke fakakhanahi ka iagho unha nate thoke mei gna narane leghu lahu na. Iara ginauna toutonuni mifi igne ka iagho, eghuteuna igne unha thuru teke filoni iagho na.

Profet Emos 3:7

Tutuani fara, ame eni nga Lord unha te magnahagheni na teuna, mana ginauna kulu cheke ka nogna mae profet.

Profet Daniel 4:8

Ke leghugna igne, mae Daniel keha nanghagna na mae Beltesasa, (Bel teu igne nanghagna nogu god iara na) mei ne filo ghau iara, eghuteuna tharungadi god te blahi igre au balugna mana. “Iara ne toutonu ka mana gobigna lepo te filodi iara ka mifi igne ne cheke eghu ka mana,

Profet Daniel 2:11

Glepo te toreni iagho igne thofno ninhigrana fara! Theo kaisei naikno te tangomana te eni igne. Jame keha god are te tangomana na, nu god igre theome au baluda tahati.”

Profet Isaia 8:19

Naiknore ginauna cheke ka ghotilo mala tei ka mae nalhaꞌu nei gaꞌase teu te lasedi kastom nei au naitu khora phaꞌu teura, ba cheke baludi iheire tela lehehi ra. Naikno igre cheke faꞌikoi ka thua nafnata cheke mala theome tangomana kaisei naikno te nomhidire. Nu ghotilo thosei fanomho ka mare. God kolho te mala tore ghotilo na! Ba, mala unha si naikno gre te toredi iheire tela lehehi ra te mala toghodi iheire te karha nga teu igrea?

Nodi Khoje Hatimare Mae Jiu 25:14

Lord, iagho kheradi iheire te leghu nigho iagho re. Iagho farerheta u nhaꞌa cheke teke eni iagho ka mae ku'emi tifa ra.

Jenesis 40:9

Aonu mae ihei te mala hata kapu waen te mei koba ka mae king na ne toutonu ka mae Josep nogna mifi na, ne cheke eghu, “Ka nogu mifi iara na, iara ne filoni kaisei gaju grep.

Thoutonu Eigna Mae Job 33:23

Neubane kaisei thogha engel te au na, kaisei kolho nate toghoni mana na, eghuteuna cheke ranghini mana unha te doglo na.

Profet Daniel 2:3

Mana ne cheke eghu ka mare, “Ke leghugna te filoni mifi igne, iara ne thono diꞌanagnafagu fara. Eghume iara thono magnahagheni fara te laseni gaoghathogna mifi igne.”

Profet Daniel 2:27

Mae Daniel ne cheke eghu ka mana, “King, theo kaisei mae khaekae, ba kaisei mae kastom, ba kaisei mae glalase te tangomana te ruruthani unha te magnahagheni iagho igne.

Profet Daniel 5:16

Nu te nomhini iara na, iagho tangomana te rurutha gaoghathodi glepo te poru igre. Eghume, jame te iu'iju iagho grioriso igre nei rurutha gaoghathodi cheke igre teuna, iara ginauna vahi nigho iagho mala fatilo nogu mae funei ke lamnagna kantri igne. Eghuteuna iara ginauna fapipichi ari ka iagho nogna pohe king na, eghuteuna iara ginauna na fabaꞌo ari ka iagho kaisei chen gol.”

Jenesis 41:25

Aonu mae Josep ne cheke eghu ka mae king, “Gaoghathodi phei nou mifi iagho are kaisei nanaba kolho. God na magnahaghei te fatakle ari ka iagho unha nate eni mana na.