Jenesis 40:5 - Buka Blahi Ka Cheke Holo

⁵ Kaisei bongi phia mare ne mifi. Nodi mifi phei mae igre ne theome kaisei nanaba, nei gaoghathodi re jaola ne theome kaisei nanaba.

Jenesis 40:5 ပူးပေါင်းရင်းမြစ်များ

Jenesis 41:11

Kaisei bongi iara neke mifi eghuteuna mana neke jaola neke mifi neku. Eghuteuna nomi mifi ghepa tuare neke au gaoghathodi neku.

Profet Daniel 4:19

Mae Daniel mhaghu nogna fara te chekeni gaoghatho gna glepo igne. Aonu king ne cheke eghu, “Beltesasa, thosei mhaghu. Thosei snakreni gaoghathogna mifi igne mala famamhaghu nigho.” Aonu mae Beltesasa ne cheke eghu, “King, iara theome magnahagheni mifi igne te kahi nigho iagho na. Nu iara magnahagheni glepo igne te kahidi kolho nou naoka iagho re.

Profet Daniel 4:9

Beltesasa, iagho phaꞌudi mae glalase te gnafa ra. Iara laseni tharungadi god te blahi igre au balumu iagho, eghuteuna theo kaisei glepo te poru ka iagho na. Eghume, igne nogu mifi iara na, iara magnahaghei nigho iagho te rurutha gaoghathogna mifi igne.

Profet Daniel 4:5

Nu kaisei fata kate thuru teu iara na, iara ne filoni kaisei mifi. Kate filoni mifi igne iara ne thono mhaghu nogu fara.

Nogna Buka Esta 6:1

Ka bongi igne, king ne theome thuru. Aonu mana ne chekedi nogna mae glokure mala hata mei ka mana buka te rioriso mare glepo te edi ke lamnagna nogna kantri na mala iuꞌiju ranghini.

Naba 12:6

Aonu Lord ne cheke eghu ka repa, “Ghopa fanomho fakeli ka nogu cheke iara gre! “Ne au nga kaisei mae profet balumi ghotilo nu, iara ginauna mei ka nogna mifi mana re, eghuteuna iara ginauna facheke balugna ka nogna mifi mana tuare.

Jenesis 40:8

Phia mare ne cheke eghu ka mae Josep, “Ghepa neke orio mifi bongi na. Nu theo kaisei mae agne naba te mala ruruthadi u gaoghathodi nomi mifi ghepa gre eghu.” Mae Josep ne cheke eghu ka phia mare, “God ngala te tangomana te ruruthadi ka tahati u gaoghathodi mifi igre na, te eghu na God na fakakhana ka iara u gaoghathodi nomi mifi ghopa igre eghu. Eghume ghopa na toutonu ka iara nomi mifi re eghu.”

Jenesis 20:3

Nu kaisei bongi mae Abimelek ne mifi, God ne mei cheke eghu ka mana, “Gaꞌase te hata iagho igne la tolaghihi, eghume iagho ginauna na lehe eghu.”

Jenesis 40:1

Keha fata ke leghudi igre, phei nogna ofisa mae king gna Ijep re neke edi keha glepo te jafra fara ka mae king. Phei mae igre keha na mae mala hata kapu waen mei koba ka mae king, eghuteuna kaisei na mae mala reireghigna nogna suga bret mae king na.

Jenesis 40:4

Mae kapten di mae soldia igre ne cheke ka mae Josep mala fiofilodi phia mae igre. Phia mare ne au raugha ka sosolo.

Jenesis 40:6

Kate mei mae Josep te filodi phia mae igre ka keha hamerane na, mana filodi phia mae igre ne thofno diꞌanagnafadi fara.